1 сыныпқа арналған 8 наурыз мерекелік сценарийі

8- наурыз аналар мерекесіне арналған ертеңгілік.

Мақсаты: Балаларға көктем туралы, 8- наурыз мерекесі туралы түсінік беру, отбасындағы ананың орнын, анаға деген құрметті ұғындыру, еліне, жеріне деген сүйіспеншіліктерін арттыру, адамгершілікке, қамқорлыққа, достыққа, ұйымшылдыққа баулу және әдемілікті сезіне білуге тәрбиелеу.

Ертеңгіліктің барысы:

Мұғалім:

Біз ғана емес, қадір тұтқан бабалар,

Аналардан туған небір даналар.

Ана деген тіршіліктің тірегі,

Армысыздар, асыл әжелер мен аналар!

Мұғалім:

Қош келдіңіздер аяулы аналар, асыл әжелер, қызғалдақ қыздар. Көңілдеріңізге көктем шуағындай, сезім мен нұр құйып 8-наурыз халықаралық әйелдер мерекесі де келіп жетті. Осынау көктем мерекесінің қай кезде де орны бөлек. Өйткені аналарға ыстық сезім, алғыс пен құрмет ешқашан сөнбек емес. Себебі, ана – өмірдің гүлі, көңілдің жыры, әр отбасының алтын діңгегі. Ендеше көктемнің алғашқы күндеріне арналған ертеңгілігімізді бастауға рұқсат етіңіздер. Енді балаларымыздың өнерін тамашалаңыздар. Қошеметпен балаларды шақырайық.

(Балалар залға қол ұстасып, жұптасып әдемі әуенде вальс ырғағында айналып, билеп өтеді.)

Барлық балалар хормен:

Құттықтаймыз мейраммен,

Құрметті апа, аналар!

Мұғалім:

Бала, бала, бала деп,

Түнде шошып оянған.

Түн ұйқысын төрт бөліп,

Түнде бесік таянған.

Бұл кім балалар?

Балалар: Ана, Ана, Ана.

Мұғалім: Ақ қар еріп

Су көбейіп! Сай салаға толады.

Ағаш басы бүршік атып,

Гүл бәйшешек басады.

-Балалар, айтындаршы бұл қай кезде болады? \Көктем мезгілінде\

-Балалар менің айтып тұрғаным жылдың қай мезгілі деп ойлайсыңдар?

Қазір жылдың қай мезгілі?

Балалар: Көктем

- Дұрыс айтасыңдар балалар,

Мұғалім: Сіздер үшін ән мен би өлеңдері,

Сіздер үшін мереке шашулары.

Қыздарымыздың орындауындағы «Ақ мамам» әнін қабыл алыңыздар.

Айналайын ақ мамам

1.Ананың үніменен таң атады,

Ананың әлдиімен күн батады.

Жетелеп ертегілер әлеміне,

Әлдилеп балапанын жұбатады.

Қ-сы:

Айналайын ақ мамам,

Өзіңменен мақтанам

Дәл өзіңдей анаға ,

Бала болу бақ маған!

2.Ананың аялаған алақаны

Мен оның еркелеген балақаны

Мейірім шапағаты тұңып тұрған,

Қанатын саялаған балапаны

Қ-сы:

Жер әлемді жайнатып,

Әнші құстарды сайратып,

Гүлге бөлеп даланы,

Әнге бөлеп қаланы,

Көрікті көктем келді.