1 сыныптағы сауат ашу пәнінің ерекшеліктері

ЖАҢАРТЫЛҒАН БІЛІМ БЕРУ МАЗМҰНЫНДАҒЫ САУАТ АШУ ПӘНІНІҢ ЕРЕКШЕЛІКТЕРІ.

Жоспары:

I. Кіріспе:

Тәуелсіз ел тірегі – білімді ұрпақ.

II. Негізгі бөлім:

а) Жаңартылған білім беру мазмұнындағы сауат ашу

пәнінің оқыту ерекшеліктері.

б) «Сауат ашу» пәнінде тыңдалым және айтылым дағдыларын дамытудағы тиімділігі

III. Қорытынды:Сауат ашу сабақтарында оқушылардың қызығушылық қабілетін қалыптастыру.

IV. Пайдаланылған әдебиеттер.

Бүгінгі таңда ұрпақ тәрбиесіне ұстаздың берері мол. Жаңа кезеңдегі білім берудің өзекті мәселесі жас ұрпаққа – адамгершілік - рухани тәрбие беру, ізденісті білім беру жолында ұстаздарға көп ізденіп, көп еңбек етуге тура келеді. Міне, сондықтан өзімнің білімімді жетілдіру, шыңдау, іздену мақсатында осы баяндамамды жаздым.

Қазіргі таңда білім беру жүйесінің мақсаттарының бірі – әлемдік білім беру кеңістігіне ықпалдастырылған және қоғам қажеттіліктеріне сай көп деңгейлі үздіксіз білім берудің ұлттық үлгісін қалыптастыру. (Бастауыш мектепте оқыту 2 бет)

ХХІ ғасыр – жаңа технология мен ақпараттандыру ғасыры. Еліміздің жарқын болашағы үшін ең әуелі сапалы білім қажет. Білім берудің негізгі мақсаты – білім мазмұнының жаңаруымен қатар, оқытудың әдіс – тәсілдері мен әртүрлі құралдарын қолданудың тиімділігін арттыруды талап ету.

Елбасымыздың жолдауында айтқандай: Қазақстанды дамыған 30 елдің қатарына жеткізетін – білім. Ғылым мен техниканың күн санап өсуіне байланысты педагогика ғылымының теориясы мен оқыту үрдісі де түбегейлі өзгерістерге ұшырауда. Білім берудің мазмұны жаңарып, жаңаша көзқарастар пайда болды. Осыған байланысты ұстаздар алдында оқытудың әдіс – тәсілдерін үнемі жаңартып отыру және жаңа технологияларды меңгеріп қана қоймай, оны тиімді қолдана білу міндеті тұр. Оқыту әдістерінің кез келген түрін белсенді әрекетке айналдыру мұғалімнің әдіскерлік шеберлігі мен шығармашылық ізденісіне байланысты. (Жанұя мен мектептегі тәрбие 14 бет)

Бағдарламаның мақсаты: бастауыш сынып пәндері бойынша білім беру бағдарламасын жаңарту және критериалды бағалау жүйесін енгізу тұрғысынан мұғалімдердің педагогикалық шеберлігін жетілдіру.

Бағдарламаның міндеттері:

Бастауыш сынып пәндері бойынша жаңартылған білім беру бағдарламасының құрылымымен, ондағы материалдардың күрделілігінің өсу ретімен, мазмұнымен және мақсаттарымен таныстыру;

Бастауыш сынып пәндері бойынша жаңартылған білім беру бағдарламасына сәйкес келетін педагогикалық тәсілдерді түсінуін және қолдана білуін қамтамасыз ету;

Бастауыш сынып пәндері бойынша жаңартылған білім беру бағдарламасындағы оқу мақсаттарына қол жеткізу мақсатында критериалды бағалау жүйесін түсініп, қолдана білуін қамтамасыз ету;

Мұғалімдердің бойында орта білім мазмұнын жаңарту жағдайында бастауыш сынып пәндері бойынша жаңартылған білім беру бағдарламасын іске асыру үшін қажетті дағдыларды қалыптастыру; (Бастауыш мектепте оқыту 2 бет)

Білім беру бағдарламасында мұғалімдердің жүргізетін жұмыс жүйесі: жаңа мазмұндағы оқу бағдарламасы, оқу жоспары, критериалды бағалау басшылығы, үлестірме материалдарға негізделеді. Әр мұғалім тиімді оқу мен оқыту тәсілдерімен таныса отырып, өзінің педагогикалық қызметіне белсенді оқу қағидаттарын енгізеді. Оқу мен оқытудағы әр іс – әрекет мақсатқа жетуге бағытталатын түсінеді. Егер ұстаз өз тәжірибесінде үйреніп жатқан белсенді әдіс – тәсілдерді тиімді қолдана білсе, оқушылардың сын тұрғысынан ойлау қабілеттері дамып, білімнің қажеттілігін түсінеді.

Жаңа бағдарлама негізінде мұғалімдер төмендегідей жұмыс түрлерін жандандыруы керек.

Олар:

тілдік дағды;

білім беру мен білім алудағы жаңа тәсілдер;

сыни тұрғыдан ойлау;

критериалды бағалау түрлері;

білім беруде ақпараттық – коммуникациялық технологияларды тиімді пайдалану;

жеке, бірлескен, жұптық, топтық жұмыс;

көшбасшылық, белсенді оқу – оқушы, белсенді оқыту – мұғалім.

Қазіргі білім беру жүйесіне жаңа технологияларды енгізу күннен – күнге басты талапқа айналып, осы әдістерді жетілдіре түсу қажеттігі күшейіп келеді. Сондықтан дәстүрлі оқытумен салыстырғанда, белсенді оқу әдісі қолданылғанда оқушылардың үлгерімі жақсарып, олар оң нәтиже береді. Оқушылардың оқуға деген ынтасын арттыру жолдарын анықтап, олардың тілдік дағдыларын дамытуға деген уәждерін қолдап отыруымыз қажет. Мұғалімнің шеберлігі қандай жоғары болса да, оқушының белсенділігін туғыза алмаса, берген білім күткен нәтиже бермейді. Оқушының тұлға ретінде қалыптасуы белсенділік арқылы жүзеге асады.

Оқыту мен оқу жеке – дара екі іс – шара емес, бір үдерістің өзара тығыз байланысты екі элементі екені баршамызға белгілі. Мұғалім өзіміз оқушылардың қалай оқитынын неғұрлым жақсы түсініп, өздерінің оқыту

тәжірибесін жақсартқан сайын, олардың балаларды тиімді оқуға жетелеу қабілеті солғұрлым арта түседі. (Жанұя мен мектептегі тәрбие 14 бет)

Өзімнің күнделікті сабақтарымда қолданатын әдіс - тәсілдерім: жаңартылған білім берудің маңыздылығы – оқушы тұлғасының үйлесімді қолайлы білім беру ортасын құра отырып сын тұрғысынан ойлау, зерттеу жұмыстарын жүргізу, тәжірибе жасау, АҚТ –ны қолдану, коммуникативті қарым-қатынасқа түсу, жеке, жұппен, топта жұмыс жасай білу, функционалды сауаттылықты, шығармашылықты қолдана білуді және оны тиімді жүзеге асыру үшін қажетті тиімді оқыту әдіс-тәсілдері (бірлескен оқу, модельдеу, бағалау жүйесі, бағалаудың тиімді стратегиялары) болатын.

Мұғалімнің шығармашылық белсенділігі ең алдымен өзінің өткізген сабағынан, іс-әрекеттерінен көрініс табады.

«Сауат ашу» оқу пәнінің «ортақ тақырыптарының» мазмұны оқушының ойын әрекетінен оқу әрекетіне өтуін қамтамасыз етеді, яғни оның өз іс - әрекетімен тікелей байланысты тақырыптарды оқудан басталады. Алты - жеті жастағы балалар өз ойын білдіруге, оқу мазмұны бойынша сұрақ қоюға, сұрақтарға жауап іздеуге үйренуі тиіс. (Сауат ашу оқулығы 3 бет).

«Сауат ашу» пәнінде тыңдалым және айтылым дағдыларын дамытудағы тиімділігі 1 сыныпта отырған оқушыларымның ауызекі сөйлеу дағдысын дамытуда өзімнің іс – тәжірибемнен атқарылып отырған жұмыстарым да: тыңдалым - дағдылары бойынша берілетін тапсырмада мәтінді мұқият тыңдап, мазмұнын түсіну, сұрақтар қою және сұрақтарға жауап беруді сұраймын. Бұл жерде бір аудио басылым мен бейнежазба арқылы немесе мұғалім мәтінді оқу арқылы зейін қойып тындатады. Әрине әр мұғалім өз әдісімен оқушыға тапсырманы беріп тыңдата алады.

Мәтін мазмұнының желісін суреттер арқылы көрсетіп беруде оқушыларым тыңдалған мәтін бойынша мазмұнына сай суреттерді таңдап қана қоймай сонымен қатар суреттермен әңгіме құрағанды ұнатады.

Тыңдалым дағдысы - оқушы тыңдау барысында ақпаратты дұрыс қабылдауға, ондағы негізгі ойды түсінуге дағдыландырып отыруға тиімді.

Айтылымда - бұл жерде оқушылар мәтінді тыңдап өз еріктерімен мазмұнын айтуға тырысып отырады.

Осы жерде кейбір оқушылар өз ойларымен түсінігін басқаша да айтуы мүмкін, әрине мұндайда мен оқушының жауабын жақсы тыңдап қолдау беріп, берілген мәтінге қарай ойын бағыттап батылдығың

үшін деп мадақтап отырамын. Оқушылардың өз ойларын еркін айтуға мүмкіндік береді.