1 желтоқсан Тұңғыш Президент күні тәрбие сағаты, 4-сынып

Маңғыстау облысы, Бейнеу ауданы, «Үстірт орта мектебі» бастауыш сынып мұғалімі Колдасбаева Сауле

Тақырыбы: 1 желтоқсан – Тұңғыш президент күні.

Мақсаты: Оқушыларға Республика президентін еліне тірегі болған азамат ретінде таныту. Елбасынан үлгі алып, елін мақтан етуге тәрбиелеу, өз Отанын сүйетін ұлтжанды азамат болу керектігін ұғындыру.

Ұйымдастыру кезеңі: «Атамекен» әніне оқушылар кіреді (кітапханада өткізу)

Мұғалім: 1 желтоқсан – Тұңғыш президент күні. Бұл күн мереке болып тойлануда. Парламент 1991 жылдың 1 желтоқсанында өткен тұңғыш президенттің сайлауына қатысты осындай шешім қабылдаған болатын.

Өмірбаяны.

Нұрсұлтан Әбішұлы Назарбаев 1940 жылы 6 шілдеде Алматы облысы, Қарасай ауданының, Шамалған ауылында дүниеге келген.

Нұрсұлтан әкесі Әбіш пен анасы Әлжанның тұңғышы.

1958 жылы Днепродзержинск техникалық училищесіне түсіп, 1960 жылы мамыр айында Теміртауға екінші дәрежелі горновой қара металлургия өндірісінің білікті маманы деген атақпен оралады.

1967 жылы Қарағанды металлургия комбинатына қарасты жоғары техникалық оқу орнын бітірді.

1969-1976 жылдары Теміртау қаласындағы партия-комсомол жұмыстарында жауыпты қызметтер атқарды.

1977-1979 жылдары Қарағанды қалалық партия комитетінің хатшысы, 1979-1984 жылдары Қазақстан КП ОК хатшысы, 1984-1989 жылдары Қазақстан Министрлер Кеңесінің төрағасы, 1989-1991 жылдары Қазақстан КП ОК-нің бірінші хатшысы әрі Қазақстан Жоғарғы Кеңесінің төрағасы болды.

1991 жылы 1 желтоқсанында жалпыхалықтық сайлау өтіп, Нұрсұлтан Назарбаев Президент болып сайланысымен 16 желтоқсанда «Қазақстан Республикасының Мемлекеттік тәуелсіздігі туралы» заңға қол қойып, жаңа тәуелсіз мемлекеттің егемендігін жарияланды.

1997 жылы 20 қазанда Н. Назарбаев Ақмола қаласын ҚР-нің астанасы деп жариялау туралы жарлыққа қол қойды.

Қазақстан Республикасының әнұраны орындалады.

Аида: Туған еліміз Қазақстан

Президенттіміз Нұрсұлтан

Елбасынан үлгі алам

Қазақстаныммен мақтанам!

Жансерік: Елбасшы – Әбішұлы Нұрсұлтан

Ұлы міндетін атқарған.

Халық үшін терін төккен

Елбасымен мақтанам!

Мирас: Астана сұлулығын бізге берген

Ұлтжандылық идеалы – Елбасы.

Қазақ халқын жаһандандыру

Жылдағы жолдауларының идеясы.

Абылай: Қазағымның желбіреп көк байрағы

Гүлге оранды ауылы мен аймағы

Нұрсұлтаны биіктерге бастады

Елінің көркеюін жоспарлады

Ақмарал: Елімнің көркеюіне атсалысамын

Міндеттімді орындаймын, білім алам!

Әр басқан қадамымды аңдап басып,

Тәрбиелі балалардың алды болам.

Назерке: Президентім қайратты, қабілетті,