11 сынып оқушыларына арналған эссе материалы

М.Шахановтың «Ғашықтық ғаламаты» өлеңіне Естай мен Қорлан оқиғасын кірістірудегі мақсатын талдап жазыңыз

Ғашықтық ғаламаты. Осы бір екі ауыз сөздің астарында қаншама мағына жатыр десеңізші. Мен әдебиетке бет бұрған жас оқырман ретінде ғашықтық жырларына қатты қызығамын. Жақында М.Шахановтың «Ғашықтық ғаламаты» өлеңін оқып едім. Алған әсерімді жеткізудің өзі мүмкін емес сияқты. Кез келген ақын-жазушылар өмірде болған оқиғаларды немесе басынан өткен оқиғаларды жазады. Ендігі осы өлеңдегі Естай мен Қорлан оқиғасын кірістірудегі мақсатын талдап, саралап жазбақпын.

Ана жүрегі әрқашан баласы үшін шыр-пыр болады . Өмір жолында қандай қателік жасаса да, бауыр еті баласын жамандыққа қимайды. Маған қатты әсер еткен жағдай- ананың баласы сүйіп оқитын ақынға келіп, бар жағдайды баяндап, көмек сұрауы. Баласының жан дүниесіндегі алай-дүлей дауылдың бетін қайтаруда ананың шарасыздығы айқын көрінеді. Қызының махаббаттың торына түсіп, шырмауынан шыға алмай тура жолдан адасуы.

Махаббатқа алданып, үйлі-баранды жігіттің соңынан еріп, өмірін қор қылған қызының тағдыры ана жүрегін сыздатпай қоймайды. «Жүрекке әмір жүрмейді» деген осы шығар. «Ананың тәрбиесін көрген, ешкімнің ала жібін аттамай өскен,инабатты,ибалы қыз не смебепті осы жолға түсті?»деген сұрақ мені мазалап,іштей әбігерге салды

Ғашық болып,біреуді ұнату,мүмкін,күнә емес шығар.Алайда,ғашық болдым екен деп,біреудің отбасын ойрандауға болмайды. Ақынның жас қызға дұрыс жол сілтеу үшін Естай мен Қорланның ғашықтық оқиғасын баяндауы дұрыс шешім.Өйткені Естай мен Қорлан бір-бірін құлай сүйгенімен қосыла алмауының өзінде үлкен мән жатыр.Жетпіс жасқа келген шағында Қорланның махаббатының символы ретінде,көзінің қарашығындай сақтаған алтын жүзігін өзімен бірге жер қойнауына тапсыруын өтініп Естай досына соңғы өтінішін айтады.Елу бір жыл бойы ғашық болып бірге болмаса да,өзге адамға үйленіп бала-шағасын өсіріп жеткізсе де,сезімдерін жүрегінің түкпіріне сақтап,ақтық сапарға аттанар сәтте ғашығын еске алып, «бақыттымын » деп өмірден өтулері де үлкен махаббатың айғағы.

Қорытындылай келе, меніңше ақынның «Ғашықтық ғаламаты» өлеңіне Естай мен Қорланның оқиғасын кірістірудегі мақсаты-жас ғашықтарға дұрыс жол сілтеу секілді.Осы тұста ойыма Мағжан Жұмабаевтың «Махаббат не?» өлеңі орала кетті. Махаббат-бір тікенек ,

Жүрекке барып қадалар,

Бақытсыз ғой бұл жүрек,