16 желтоқсанға арналған мектепке дейінгі балалар материалы

Ертеңгілік

16-желтоқсан

Тәрбиеші: Сәлеметсіздерме құрметтi қонақтар және әрiптестер! Бұгінгі біздің еліміздің сан мың жылдар бойы найзаның ұшымен, еліміздің ерен ісімен кешегі дүниені дүр сілкіндірген Желтоқсан оқиғасымен келген тарихымызда алтын әріппен жазып қалдырған «Қазақстан-тәуелсіз елім» атты ертеңгілікке қош келдіңіздер.

Отаны бар, елі бар жан заманда

Бақытты ғой мына байтақ ғаламда.

Отан деген оттан ыстық жалғыз сөз.

Жалын берген маған-дағы саған да.

Бүгінгі ертеңгілікке қатысатын «Қызғалдақ» тобын қарсы алайық.(залға музыка ауенімен қолдарына ту ұстап балалар шығады).

Тәрбиеші: Өте жақсы. 16-желтоқсан Қазақстан Республикасының Тәуелсіздік күні.Еліміз егемен алған, ата заңын қабылдап, мемілекеттік рәміздерін белгілеген. Біздің отанымыз қалай аталады?

- Қазақстан Республикасы.

Біздің елбасымыз кім?

-Нұрсұлтан Әбішұлы Назарбаев.

Балалар еліміздің рәміздерін атаңдаршы?

-Ту,Елтаңба,Әнуран.

Тәрбиеші: Елдің елдігі, ердің ерлігі -ол Әнұран

Сезім билігі,төзім шыңы- ол Әнұран

Әннің асылы, ұранның басымы- ол Әнұран

Едеше орынымыздан тұрып, қолымызды жұректің тұсына қойып Әнұранымызды орындайық.

Алтын күн аспаны,

Алтын дән даласы.

Ерліктің дастаны-

Еліме қарашы!

Ежелден ер деген,

Даңқымыз шықты ғой,

Намысыен бермеген,

Қазағым мықты ғой!

Қ/сы:Менің елім, менің елім,

Гүлің болып егілемін

Жырың болып төгілемін, елім!

Туған жерім менің-Қазақстаным!

Ұрпаққа жол ашқан

Кең байтақ елім бар,

Бірлігі жарасқан,

Тәуелсіз елім бар.

Қарсы алған уақытты,

Мәңгілік досындай

Біздің ел бақытты,

Біздің ел осындай!

Тәрбиеші:Тәуелсіздік ұранымыз

Біз келешек шырағымыз

Көке үшар әсем шарлар

Біз қазақтың қыранымыз-деп Тәуелсіздігімізге арналған тақпақтарын тыңдайық.

Нұрислам: Тәуелсіздік – менің байтақ Отаным Бір өзіңсің Мұхтар, Абай, Шоқаным Тәуелсіздік – сәбилердің шаттығы Тәуелсіздік, тәуелсіздік – жыр әнім.

Әлімжан: Тәуелсіздік таңы атты, Азаттықтың күні атты. Тәуелсіздік алған ел, Егемен қазақ халқы.

Абдулла: Тәуелсіздік мәңгілік сақталсын, Алдымызда барлық үміт ақталсын Тату – тәтті бірлік болып қашанда Бейбіт өмір бар халықпен жақталсын.

Адия: Он алтыншы желтоқсан

Тәуелсіздік алған күн

Ерекше боп мәңгілік

Ел жадында қалған күн.

Тәрбиеші:Ел қорғайтын нағыз қаһарман ұлдарымыздың «Батырлар биін» өздерізге тарту етеді қабыл алыңыздар.

Тәрбиеші:Мақтан қылам! Мақтанышың бұл сенің.

16-шы желтоқсан Тәуелсіздік елімнің!

Ұрпағымның әрбір атқан таңына,

Бейбітшілік, ашық аспан ән елім- деп «Тәуелсіз ел ұраны» әні.

Қазақстаным отаным

Шалқыған шаттық ордасы

Тәуелсіздігім-ұраным

Шалқыған жырдың арнасы

Қ/сы

Елімде тыныш,

Жерім де тыныш

Бейбіт күн әні шырқалсын

Бақытты елім

Жақұтты жерім

Тіл көзден сені сақтасын

Тәуелсіз елдің ұраны

Қырандай көкке самғасын

Көк туым менің желбіреп

Тұғырың мәңгі таймасын