2-сынып оқушыларына арналған ашық тәрбие сағаты

Сабақтың тақырыбы : Менің Отаным – Қазақстан .

Сабақтың мақсаты : Оқушыларды Отанды сүюге қазақ елінің рәміздерін қастерлеуге үйрету . Туған жерге деген сүйіспеншілігін арттыру . Тәуелсіз ел тірегі – білімді ұрпақ екенін , білімге деген құштарлығын арттыру .

Көрнекілігі : суреттер , бүктемелер , фотостент , плакаттар , қанатты сөздер .

Сабақтың барысы : Ұйымдастыру кеөеңі . Қазақтан Республикасының Әнұранын орындау .

Кіріспе сөз Қазақ Елі Тәуелсіздігінің 25 жылдық мерейтойы 2016 жылдың 16 желтоқсанында - Қазақстан Республикасы Тәуелсіздігінің 25 жылдық мерейтойы. Бұл мемлекетіміз бен халқымыз үшін ең басты әрі құнды мереке болмақ. Тәуелсіз еліміз ширек ғасырға жуық уақыт ішінде қаржы дағдарыстарының қиындықтарына қарсы тұра білді, тұрақты даму жолына түсіп, биік белестерді бағындырды, толағай жетістіктерге қол жеткізді, әлемдегі бәсекеге қабілетті 50 елдің қатарына енді. Мемлекет басшысының елді дамытудағы стратегиялық бағдарламалары мерзімінен бұрын жүзеге асып келеді. Осы кезең ішінде не тындырдық? 25 жылда жеткен жетістіктеріміз қандай? Биыл осы сұрақтарға жауап беретін, өткен жылдарға қорытынды жасап, Мәңгілік Ел болуға бекінген мемлекетіміздің бүгіні мен келешегі туралы ой толғайтын еліміздің есепті жылы десек, қателеспейміз. Осы орайда, 2015 жылғы 30 қарашадағы халыққа арнаған Жолдауында Қазақстан Президенті Нұрсұлтан Назарбаев тәуелсіз мемлекет атанғанымыздың 25 жылдығына аяқ басқалы тұрғанымызды айта келіп: «Бұл - тәуелсіздікті нығайту жолындағы өлшеусіз еңбегіміздің ширек ғасырлық белесін қорытындылайтын мерейлі сәт. Тәуелсіздікті баянды ету оған қол жеткізуден де қиын. Мемлекеттігіміз

Жүргізуші . Нұрай Құрметті ұстаздар , ата – аналар сіздерді «Тәуелсіздік « мерекесімен құттықтаймыз .

Жүргізуші . Жанна Сіздерге дендеріңізге саулық , отбасыларыңызға амандық , еңбектеріңізге табыс тілеп , елімізде тыныштық болсын деп тілек білдіреміз .

Жүргізуші . Нұрай Бүгінгі тәуелсіздік мерекесіне арналған «Менің Отаным – Қазақстан » атты ашық тәрбие сағатымызды ашық деп жариялаймыз .

Жүргізуші Жанна

Қазақстан Жоғарғы кеңесі 1991 жылғы 16 желтоқсанда Қазақстанды тәуелсіз Республика деп жариялады .

Жүргізуші . Нұрай Бұл күн Қазақстан тарихында тәуелсіз Қазақстан Республикасының туған күні деп алтын әріптермен жазылды . Сондықтан 16 – желтоқсан бүкіл халықтық мереке . Перне Отан дейміз от жаққан жерімізді . Отан дейміз өсірген елімізді Отан дейміз туған жер , атамекен . Биік тау , орман , тоғай , көлімізді . Отан дейміз кең байтақ астананы Жасыл жайлау , жаңа жол жас қаланы . Отанның шегі де жоқ шеті де жоқ . Ол бірақ өз үйіңнен басталады .

Балзия Өзіңдікі – елің де , Өзіңдікі жерің де , Өзіңді өзің еткен бақ Тәуелсіздік төріңде . Асқар тауда – сенікі . Бақша бауда – сенікі . Қалтықсыз дос пен Қатал жауда сенікі Көк аспандай тулардың Желбірейтін күні бұл. Елім деген ұлдардың Елжірейтін күні бұл . Бейнебаян тамашалау

Гүлдәурен Енді Қазақстан Республикасының Мемлекеттік Туына назар аударыңыздар . Көк жүзінде әлемге нұрын шашқан күн сәулесі , астында қияға қанат қаққан қыран , - тыныштықтың , берекелі өмірдің белгісі . Ою - өрнек тудың қай елдікі екенін аңғартады . Тудың авторы – Шәкен Ниязбеков .

Маржан Қазақстан Республикасының Мемлекеттік Елтаңбасында көгілдір түс аясында шаңырақ бейнелеген .Шаңырақты айнала күн сәулесіндей тарап уықтар шаншылған . Оны аңыз әңгімелердегідей пырақтар көмкеріп тұр . Жоғарыда дәл ортада бесбұрышты жұлдыз бейнеленген . Қазақстан деген жазу бар . Авторы – Жандарбек Мәлібеков , Шота Уалиханов .

Ақнұр. Қазақстан – көк байрақты нұр едің Сен дегенде лүпілдейді жүрегім . Өзің менің – қуанышым , бақытым Өзің менің мақтанышым , тірегім . Мұхтархан Қазақстан Республикасының әнүранының авторлары . Сөзін жазған : Жұмекен Нажмеденов , Нұрсұлтан Назарбаев Әнін жазған : Ш . Қалдаяқов . . Бейнебаян тамашалау