2-сынып шет тілі пәнінен Отбасы тақырыбына сабақ жоспары

Күні: 14.09.2016ж

Сыныбы: 2а, ә, б

Сабақтың тақырыбы: My family

Сабақтың мақсаты:

білімділік: «My family» тақырыбы бойынша репродуктивті және рецептивті қарым-қатынасын қалыптастыру; есептік сан есім мен әліпбиді қолдануларын белсендіру; рецептивті граматикалық материалдарды белсендіру; әріптіркестерінің оқу дағдысын, орфографиялық дағдыны қалыптастыру.

дамытушылық: өтілген лексикалық материалдарды тікелей белсендіре отырып оқушылардың дамыту; old-new антоним сөздерін енгізу арқылы сөздік қорларын байыту; әріптерді цифрларды ажырата білу дағдыларын арттыру; басқа елдің мәденеиетіне деген жағымды қарым-қатынастарын қалыптастыру; саусақ бұлшық еттерінің икемділігін арттыру; ойын арқылы белсенді іс-әрекетке тарту.

тәрбиелік:үлкендермен, өз отбасындағы кішілермен, мұғаліммен, сыныптастарымен сыйластық қарым-қатынаста болу; мұғаліммен, сыныптастарымен сыйластық қарым-қатынаста болу; сыныптағы жиһаздар мен оқу құралдарына ұқыпты болу.

Күтілетін нәтижелер:

пәндік: бастапқы есту және дыбыстау дағдылары мен білімдерінің болуы; «My family» тақырыбы бойынша сөздерді білу және қолдана алу; his/her тәуелдік есімдіктерін және to be етістігінің формаларын білу және сөйлемінде жекеше және көпше түрінде дұрыс қолдану; өткен тақырып бойынша сөздердегі th дыбысын дұрыс айту; father, mother, sister, brother, grandmother, grandfather, family сөздерінен тұратын белсенді лексиканы дұрыс табу.

тұлғалық: ағылшын тіліне деген қызығушылығын арттыру; өз елінің тілін үйреніп жатқан елдің мәдениетіне құрметпен қарау.

жүйелі іс-әрекеттік: танысу жағдайындағы өтілген лексикалық-граматикалық құрылымдарды қолдану, оқулықты, жұмыс дәптерін қолдана алуға дағдыландыру.

Сабақты материалдық жабдықтау:

мұғалім үшін: СД-ойнатқыш, әліпби кесте, цифрлар карточкаларының жиынтығы, жануарлар мен оқу құралдарының суреті.

оқушы үшін: оқулық, жұмыс дәптері.

Пәнаралық байланыс: музыка («Hello, Hello!» әнін орындау), математика (0-ден 12-ге дейін санау), дүниетану (елі туралы мәліметтер, Англия және Қазақтан елінің мемлекеттік тілін үйреніп жатқан рәміздері).

Сабақтың барысы

Ұйымдастыру сәті.

-Good afternoon children? I`m glad to see you! How are you?

- Good afternoon teacher! We are glad to see you too!

2. Сабақтың мақсаты мен тақырыбын хабарлау.

- Балалар, бақытты болу дегенді қалай түсінесіңдер?

Оқушылар әр түрлі жауаптарды береді, ал мұғалім көмек сұрақтарды береді. Мәселен «Сендердің қуанышты және бақытты сәттеріңде сендермен кім бірге болады?»

- Дұрыс айтасыңдар, әрине , бұл сендердің ата-аналарың, ата-әжелерің, аға-әпкелерің. Жақындары мен туыстары бар адам, шын мәнінде бақытты емес пе? Балалар , сүйікті де қымбатты адамдарымызды бір сөзбен қалай атаймыз? Дұрыс , отбасы. Бұл сөз ағылшын тілінде –family.

- Бүгінгі сабақта отбасы туралы емес, отбасы мүшелерінің ағылшынша дұрыс атауға, бір-бірімізге сұрақ қоюға жаттығамыз, жаңа сөздерді жаттаймыз және олардың жазылуын үйренеміз.

3. Тірек білімдерін белсендіру.

- Сендер бір жасқа есейдіңдер және енді біз тағы көптеген ағылшын сөздерімен танысып, жазуды және оқуды үйренеміз.

Фонетикалық жаттығу.