2025–2026 оқу жылына арналған психологиялық талдау

2017-2018 оқу жылында Юрий Гагарин атындағы негізгі мектебінің психологиялық қызметі туралы талдамалық есебі

2017-2018 оқу жылында мектептің педагог-психологы төмендегі тақырып бойынша жұмыс атқарды: «Мұғалімдер мен оқушылар даралық психологиялық сипаттарын зерттей отырып, психологиялық жетекшілік жасау»

Мақсаты: Тұлғаның жеке-дара психологиялық ерекшеліктері мен тұлғалық бейімділігін анықтау, зерттеу жұмысын жүргізу.

Міндеттері:

Әрбір даму кезеңінде баланың жан-жақты тұлғалық және интеллектуалдық қалыптасуына ықпал ету;

Оқушы жеке тұлғасының психологиялық-педагогикалық зерттеуін ұйымдастыру;

Оқушының жеке тұлғасын зерттеуге арналған диагностикалық әдістемелер комплексін дайындау;

Оқушылар арасында дұрыс психологиялық ахуал, қарым-қатынасты қалыптастыру;

Оқушыларға психологиялық көмек көрсету, түзету жұмыстарын жүргізу;

Мектеп ұжымына көмек көрсету, ұстаздарды психологиялық ақпараттармен қамтамасыз етуді жақсарту;

Барлық мәселелерді шешуде баланың психологиялық дамуын ескерту.

Психологтың жүргізген бақылаулары мен диагностикалық жұмыстардың негізінде сынып жетекшілерімен біріге отырып, әр балаға жеке психологиялық картасы толтырылды.

Оқушылармен жыл бойында диагностикалық, профилактикалық және түзету жұмыстары жүргізілді.Жүргізілген жұмыстардың нәтижелері сынып сағаттарында қаралады.

Психодиагностикалық бағыты бойынша

2017-2018 оқу жылында жылдық жоспарға сәйкестөрт бағытта жұмыс атқарылды: Психологиялық ағарту, психологиялық түзету, психологиялық алдын алу, психологиялық кеңес беру жұмыстары. Жаңа оқу жылының басталуына байланысты, ұйымдастырушылық кезең болды. 1-9 сынып оқушыларына жеке психологиялық карта арналады.

Мектепалды даярлық сыныптарында, мектепке дайындығын, ақыл-ой деңгейін анықтау үшін Керн-Иенрассек тесті, есте сақта және айт, төртбұрыш, үшбұрыш, тіктөртбұрыш, дөңгелек фигураларды табу, қажетті бөлігін тап, адам бейнесін, отбасын салу әдістері арқылы диагностикалық жұмыстары жүргізілді. Ақыл-ойлық әзірлігін анықтауда баланың қоршаған орта туралы мәліметтілік дәрежесі оның дүниетанымы, тірі және өлі табиғат түсінігі, кейбір әлеуметтік құбылыстар туралы, осы ұғымдардың жүйелілігі, ынталық сезінудің, есте сақтаудың, ойлаудың тілдің дамуының белгілі бір деңгейі сондай-ақ кейбір қарапайым машықтарды игеру дәрежесі есептеу машықтары қолдың жазуға дайындығы бойынша анықталынды.Соның нәтижесінде ес, зейін, қиял, ойлау қабілетінің жалпы даму деңгейі анықталады.

Жыл басындағы нәтиже көрсеткіші бойынша танымдық процестерінің дамуы:

Мектепалды даярлық «А» сыныбы: 65%-жоғары, 25%-орта, 10 %-төмен

Мектепалды даярлық «Б» сыныбы:75%-жоғары, 25%-орта, 0%- төмен

Жыл соңында алынған тесттердің қорытындысы бойынша:

Мектепалды даярлық «А» сыныбы: 75%-жоғары, 15%-орта, 10 %-төмен

Мектепалды даярлық «Б» сыныбы: 80%-жоғары, 20%-орта, 0%- төмен

1 сынып оқушыларынан мектепке дайындығын анықтау үшін, кескіндеме диктант әдістемесі және Керн-Иересек тесті алынды. Диагностикалық жұмыстардың қорытындысы бойынша мектепке психологиялық дайындық деңгейінің көрсеткіші анықталды.1-4 сынып оқушыларының таным процестерін зерттеу мақсатында, «Қабылдау», «Зейін», «Ойлау», «Ес», «Қиял» субтесттері алынды. Зерттеу нәтижесі бойынша 1-4 сынып оқушыларының қиялдау деңгейлері: орта деңгейде – 38 %, ортадан төмен -33%, төмен – 29 %.

5-9 сынып оқушылары арасында, сыныптағы қарым-қатынас деңгейін анықтау мақсатында социометрия әдісі жүргізілді.Шеттетілген 1 оқушы анықталды.

5 сынып оқушыларының орта буынға бейімделуіне байланысты қобалжу деңгейлерін анықтау мақсатында оқушылардың мазасыздық деңгейі шкаласы әдістемесі алынды.

2-9 сынып оқушылары арасында оқушылардың тәрбиелік деңгейін анықтау мақсатында сауалнама жүргізілді. Мектеп оқушыларының тәрбиелік деңгейлері анықталды. Нәтижесі: жоғары-47,8%, орта- 41,8%, төмен деңгей-10,4%.

9 сынып оқушыларының кәсіби қызығушылығы мен бейімділігін анықтау мақсатында Д.Голандтың «Кәсіби тұлғалық типті бағалау тесті» алынды. 9 сынып оқушыларынан «Сенің кәсіби ой ниетің» сауалнамасы жүргізілді, нәтижесінде 9 сыныпты бітіргеннен кейінгі іс әрекетіне ата-аналарына кеңес беруде-100%, таңдайтын мамандығының міндетін білемін – 85,2%, аздап білемін-11,1%, жоқ-3,3%, кәсіптік іс әрекетіңді іске асыра аласың ба? Иә деп- 91,8 %, қиындықтар бар- 6,6 %, отбасылық жағдайлар – 1,6% .ОЖСБ бағыты бойынша оқушыларымен «Сенімділік күш береді» тақырыбында тренинг жүргізіліп, хаттамасы толтырылды.

5-9 сынып оқушыларының арасында мұғалім мен оқушының қарым қатынасын анықтау үшін «Мұғалім оқушы көзімен» анкетасы өткізілді. Нәтижесінде оқушы мен мұғалім арасындағы қарым-қатынасты, ұнамды сабақтар, оқушылардың пәнге деген қызығушылықтары т.б. анықталды.

7-9 сыныптардың салауатты өмір салтын құру мақсатында «Зиянды заттар» тақырыбында сауалнама алынды. Нәтижесінде әрбір оқушы зиянды заттардың не екенін, одан қалай қорғануға болатынын сауалнама арқылы көрсете білді.

Жоспар бойынша оқушылардан ақша жинау және қорқытып алу фактілерін анықтау мақсатында 5-9 сынып оқушыларынан жасырын сауалнама жүргізіп, интерпритациялап қорытынды жасалды. Анкета қорытындысы бойынша жасырын топ, ақша жинайтын көшбасшы оқушы анықталған жоқ. 5-9 сынып оқушыларымен құқық бұзушылықтың алдын алу тақырыбында профилактикалық әңгімелер жүргізілді.