3 сынып көшбасшысы ойынына арналған сыныптан тыс сценарий

3-сынып көшбасшысы

Сайыстың мақсаты:

Оқушылар білімді, ізденімпаз болуды үйренеді.

Шапшаңдық, тез ойлау дағдыларына төселеді.

Өз деңгейін бақылауға үйренеді.

Көрнекілігі: Интертақта, слайдтар.

Сайыстың барысы:

-Армысыздар ұстаздар, оқушылар! 3-сынып оқушылары арасында өтетін

«3-сынып көшбасшысы!» атты интеллектуалды ойынымызға қош келдіңіздер!

Нұрлы үмітін арқалаған арқаға,

Жан сәулесін тарататын баршаға.

Шын пейілмен құрметімізді көрсетіп,

Сайыскерлерді шақырайық ортаға.

Ортаға сайыскерлер шығады.

Өнер менен білімде,

Әркімнің өз жолы бар.

Сайысарлық бүгінде

Өзіндік менің үнім бар, - дегендей білімпаз жастар өздерін таныстырып өтсін

Сайысымызды бастайық,

Әділ-қазы сайлайық.

Өтсін сайыс қызықты,

Өтсін сайыс әділ боп,

Жасасын мәңгі әділдік, - дей отырып, бүгінгі сайысымыздың әділ-қазылар алқасымен таныс болыңыздар:

- Ғылымның сырын ұғына,

Шығыңдар білім шыңына!

Ұкыптылық пен зеректік,

Жеткізер сіздей өренді

Білімнің биік шыңына,

Қадамдарың оң болсын, - дей келе сайыскерлерімізге сәт сапар тілеп, бүгінгі ойынымыздың кезеңдерімен таныстырайық.

1-кезең: Бәйге

2-кезең: Тіл өнері

3-кезең: Жорға

4-кезең: Дода

1 кезең «Бәйгеде» сұрақтар берілген оған бірінші болып белгіні көтерген оқушы жауап береді. Егер де жауап бере алмаса келесі оқушы жауап бере алады. Әр жауап 10 баллдан есептеледі. Ұпайы аз оқушы ойыннан шығарылады.

2 кезең «Тіл өнері». Бұл кезеңде жұмбақты шешіп, оның орысша және ағылшынша аудармасын айту керек. Толық жауапқа 30 ұпай, екі тілдегі жауапқа 20 ұпай, бір тілдегі жауапқа 10 ұпай беріледі. Ұпайы аз оқушы ойыннан шығарылады.

3 кезең «Жорғада» оқушылар әр тор көзден өзі білем деген тор көзді таңдап, егер де жауап берген жағдайда сол балдық жүйе беріледі. Ең аз ұпай жинаған оқушы ойыннан шығады.

4 кезең «Додада» ұпайы жоғары 2 оқушы қалып сайысқа түседі. Әрқайсыңа 2 минут беріледі. 2 минут ішінде қанша сұраққа жауап беріп үлгерсендер, сонша ұпайды қанжығаларыңа байлайсыңдар. Бірінші болып ең аз ұпай жинаған сайыскеріміз бастайды.

- Қарап тұрмай бәйгеге еріңіз,Шәкірттерге әділ шешім беріңіз.Жүзден жүйрік, мыңнан тұлпар шығарар,Бәйге, бәйге, бәйгелерді көріңіз, - дей келе біз келесі «БӘЙГЕ» кезеңін бастайық. 1. Жүргізуші қатысушыларға қарапайым сұрақтар қояды.

2. Дұрыс жауапқа 10 ұпай беріледі.3. Жауапқа он бес секунд уақыт беріледі, одан кейінгі жауаптар қабылданбайды.

1метрде неше сантиметр бар? (100см.)

Қазақ тарихында ғарышқа алғаш болып кім ұшты?(Т. Әубәкіров)

Заттың қимылын білдіретін сөз табы? (етістік)

Астана қай өзеннің жағасында орналасқан?(Есіл)

Нөл температурада су неге айналады?(мұзға)

Интернетпен байланыс жасайтын құрылғы?(модем)

Қазақстан Республикасының Тілдер күні мерекесі қашан тойланады?(22-қыркүйек)

Ұлы Отан соғысы қай жылдары болды? (1941-1945ж.)

Төрт-түлікті ата. (сиыр, қой, жылқы, түйе, ешкі)

Асқар Тоқмағамбетов кім? Оның қандай шығармаларын білесіңдер?

1-тур қорытындысы бойынша оқушылардың жинаған ұпайын білейік (әділ-қазылар ұпай санын айтады). Ең аз ұпай жинаған оқушы ойыннан шығады.

Мәңгі бақи есте қалар,Ғажайып бір сайыс болсын.Білімдірек шәкірт озар,Қиынырақ сұрақ болсын, - деп біз енді сайысымыздың келесі кезеңіне келдік. Келесі кезең «Тіл өнері» деп аталады. Бұл кезеңде сайыскерлерге кезектесіп жұмбақтар оқылады, жауабын үш тілде беру керек. Толық жауап берілген жағдайда 30 ұпай, екі тілде жауап берген жағдайда 20 ұпай, бір тілде айтылса 10 ұпай беріледі. Егер де толық емес жауап берілсе, басқа сайыскерлер жауап бере алады.

Кең әлемді кернейді, бірақ көзің көрмейді.(ауа, воздух, air)

Құрғақ жерде сақтайсын, онсыз тамақ татпайсың.(тұз, соль, sait)

Аяғы жоқ жүреді,

Аузы жоқ сөйлейді.( хат, письмо, letter )

Бұл үйге көзсіз боп басың сұғасың,

Бұл уйден көреген болып шығасың.( мектеп, школа, school )

Бетін адам ашады,білім нұрын шашады.(кітап, книга, book)

Балдан тәтті не? (ұйқы, сон, dream)

Қарап тұрсаң өзіңе,

.Сурет түсер көзіңе.

Ол суретің ұқсайды,

Дәл қазіргі өзіңе. (айна, зеркало, mirror)

8..Қабат-қабат қаптама,

Ақылың болса аттама. (кітап, книга, book)