5 сыныпқа арналған Адами қарым-қатынас әлемі сабағы

Өзiн-өзi тану сабағының жоспары

Мектеп: Құрманғазы Сағырбайұлы атындағы жалпы орта мектебі

Мерзiмі: №21 сабақ

Тақырып: Адами қарым-қатынастар әлемі

Құндылық: ішкі тыныштық

Қасиеттер: кішіпейілділік, ізеттілік

Мұғалiм: Г Нұрсейтова

Сынып 5 «а,»

Оқушылар саны:

Сабақ мақсаты:Оқушылардың айнала қоршаған ортамен ізгі қарым- қатынас жасау туралы түсініктерін кеңейте отырып, ішкі тыныштық құндылығының мәнін ашу.

Міндеттері:

Білімділік: Оқушыларға ізгі қарым-қатынастың маңызын аша отырып, кішіпейілділік қасиеті туралы түсінік беру.

Дамытушылық: Оқушыларды айнала қоршаған ортамен ізгі қарым-қатынас жасауға үйрете отырып, ізеттілік қасиетіне баулу.

Тәрбиелік: Оқушыларды үйлесімді өмір сүруге, әдептілікке тәрбиелеу.

Сабақ барысы:

1.Ұйымдастыру кезеңi.

Сәлемдесу, оқушылардың көңіл-күйін сұрау, сабаққа қатысуды тексеру. Сабақтың 5 Т ережесін еске түсіру.

2.Жағымды көңіл-күйге келу. «Нұрға бөлену»

Енді осы Нұрды жүрегіңізге орналастырыңыз.Нұрға толы бүкіл әлем сіздің жүрегіңізде.Оны осындай әсем қалыпта сақтаңыз.

Жаймен көзіңізді ашуға болады.Рахмет.

3.Үй тапсырмасын тексеру.

№ 20 сабақ «Жанында жүр жақсы адам» тақырыбында эссе жазу

Сабақ барысын талқылау:

4.Дәйексөз.

Мұғалім өзі дауыстап оқып береді, сосын балаларға бірге хормен айтуға ұсынады. Бірінші ұл балалар қайталайды, содан соң қыз балалар қайталайды.Дәйексөзді дәптерге жазғызу.

«Кішіпейілділік-кісінің көркі»

Халық нақылы

Сұрақтар:

Дәйексөзден қандай ой түюге болады?

Кішіпейілділік дегенді қалай түсінесіңдер?

Өздерің қай кезде кішіпейілділік танытасыңдар?

Кішіпейілділік – бейбіт пейілдің, достық ықыластың белгісі. Бұл өзін – өзі мақтаудан аулақ ұстайтын, сыйластық шегінен шықпайтын, жасаған жақсылығын жария етпейтін адам. Кішіпейіл адам әрдайым басқа адамдардың сүйіспеншілігіне, құрметіне ие болады. Қарым – қатынас жасау барысында ойың, ниетің, іс – әрекетің, мінез – құлқың жақсылыққа толы болсын.

5.Әңгiмелеу « Мінезді тәрбиелеу »

Ертеде бір кісі баласы тұрмай жүріп көрген баласын әбден есіртіп, еркелетеді. Бала өсе келе тілі удай ащы, есерсоқ, бейәдеп жігіт атанады. Жұрт безердей болғандықтан, оның қасына ешкім жақын жүрмеуге тырысады.

Әкесі әбден ойланып, мынадай айла жасайды. Баласын шақырып алып, бір жалпақ тақтай береді. Күніне қанша адамды ренжітсең, мына тақтайға сонша шеге қақ дейді. Бірінші күні бала тақтайға 37 шеге қағады. «Балам, өзіңді тежеп ұстап, шегеңді азайтуға тырыс» депті.…