8 наурыз мейрамына арналған балабақша сценарийі

«8 – наурыз» мейрамы

Жүргізуші: -Қымбатты балалар, сүйікті аналар, құрметті тәрбиешілер! Бүгін біз көктемнің алғашқы күні осы әсем залға «8 - наурыз» аналар мерекесін тойлауға жиналып отырмыз, мерекелеріңіз құтты болсын!

Құрметті мынау өлең жолдары сіздерге арналады.

«Бақыты үшін балаңның»

Ел жатқанда жатпаған,

Мен деп тыным таппаған

Бақыты үшін балаңның,

Аман- сау бол, ақ мамам.

Күлімдеген көзіңнен,

Күн мейірімі сезілген

Бұл жалғанда балаға,

Жақын жан жоқ өзіңнен.

Мен деп кірпік қақпаған,

Менсіз тағам батпаған

Бақыты үшін балаңның,

Аман – сау жүр, ақ мамам.

Жүргізуші: Құрметті аналар, сіздерге арналған мерекемізді бастауға рұқсат етіңіздер.

Балалардың тақпақтарын қабыл алыңыздар.

Әділет: Үн қатасың бал тілмен,

Еркелеймін әр күн мен

Құттықтаймын, анашым,

Сегізінші наурызбен!

Линара: Нұрын төккен маған

Шуағымсың – сен

Айналайын, анам,

Қуанышынмен!

С.Данил: Бізді өсірген, апатай,

Еңбегін де зор екен

Құтты болсын, апатай

Құтты болсын мерекең!

Жүргізуші: Ананың әрбір сөзі жылулыққа толы. Ананың көзі – нұры тастай мұзды да жібітеді. Сүйікті аналар, сіздерге деген балаларыңыздың жылы лебіздерін, балалардың әнін қабыл алыңыздар!

Ән: «Құттықтаймын».

Жүргізуші: Келесі тақпақтарға кезек берейік.

Эльдар: Ана – өмір шырағы,

Ана – өмір бұлағы,

Бесігімнің жыр әні

Жүрегімде тұрады.

Ваня: Баланың да тірегі,

Даланың да тірегі,

Шаршымасын ешқашан,

Аналардың жүрегі.

Ксения: Бақытты ғой заман,

Қандай көңілді

Мен тілеймін саған,

Ұзақ өмірді.

Жүргізуші: Сүйікті біздің аналар, балалардың әдемі әнін қабыл алыңыздар!

Ән: «Ана»

Жүргізуші: Бүгін біз құрметті де ардақты әжелерімізді ерекшшк атап құттықтаймыз. «Қа риясы бар үйдің, қазынасы бар» деп халқымыз тек айтпаған ғой. Алақай, балалар! Алыс ауылдан ала қоржынын арқалап Жанар әжеміз мерекеге келді. Қарсы алайық қадірлі қонағымызды (әже төрге шығып жайғасып отырады).

Әже: - Иә, балалар, аналарынды құттықтап, өнерлерінді сыйға тартып жатыр екенсіңдер, өте жақсы. Құрметті аналар тойларын құтты болсын!

Жүргізуші: -Жанар әже, біздің де сізге арнаған өнеріміз бар. Қане балалар әжемізге өнерімізді көрсетіп жіберейік.

Айнұр: Мамамыздың мамасы,

Ақ жаулықты, ақ әжем,

«Айналайын құлыным» -

Деп айтатын дана әжем.