8 наурызға арналған кішкентай арулар тәрбие сағаты

Ақтөбе облысы, Әйтеке би ауданы,

Сарбұлақ ауылы Мамыт негізгі мектебі

«Шапағат» шағын орталығының тәрбиешісі: Қуандықова Мөлдір

8-наурыз Халықаралық Әйелдер күніне орай ұйымдастырылған Мерекелік ертеңгілігі сценарийі

Тақырыбы: «Кішкентай арулар»Мақсаты: Қыздарды ұлтымыздың әдет-ғұрыпын, салт-дәстүрін, рухани құндылықтарын құрметтей білуге, қазақ қыздарына тән инабатты, биязы, көркем мінезді, білімді болуға тәрбиелеу. Көрнекілік: Көрнекі жазылған тақырып, қыз тәрбиесіне байланысты нақыл сөздер, плакаттар, шарлар.Барысы: «Қыздарға әсемдік жарасады» әні ойнап тұрады. Тәрбиеші:Міне тағы да жанымызды жадыратып, көңілге нұр сыйлап, шуағын шашып Халықаралық әйелдер күні келді. Бұл мейрамның қай кезде де орны бөлек, себебі бүгін ару қыздар, аяулы аналар, ардақты әжелеріміздің мейрамы.

Тәрбиеші:Келді ғой көктем, құдірет біткен ғажайып,Құрметтеп оны жұмыла қарсы алайық.Кішкентай арулар сайысын дүрілдетіп,Алаулатып кештің отын жағайық.

Олай болса кішкентай аруларымызды ортаға шақырайық:

1.Амантай Кәусар;

2.Тәңірберген Айкөркем;

3.Әбсадық Еркеназ.

Тәрбиеші: Байқау шарттарымен таныстырып өтейік: 1. «Менің ата-тегім» өзін-өзі таныстыру;

2. «Өнерлі өрге жүзер» өз өнерін көрсету;

3. «Ойлы болсаң, озып көр» Отанға, достыққа, еңбекке байланысты мақал-мәтелдер жарысы;

4. «Ой жүйрік» Жұмбақтар сайысы;

5. «Білімді мыңды жығар» логикалық сұрақтарға жауап беру;

6. «Атадан қалған мұралар» суреттерде бейнеленген заттардың атауын табу;

7. «Әдемі-ай» Сән үлгісі – 2018 ж

Тәрбиеші: Барлығыңыз тыңдаңыздар, Өнерлерін сыйлаңыздар. Алға шыққан қыздарға Әділ баға сыйлаңыздар,- деп арулардың өнері-білімін әділ бағалап, төрелігін айтатын қазылар алқасымен таныс болыңыздар. Әділ-қазылар алқасы таныстырылады.

І-кезең: «Менің ата-тегім» Өзін, тегін, неліктен олай аталды, кім атады сол жағын айта өту.

Өнер қуып арулар өтер дейміз,Бір басына өнері жетер деймізСайысқа келген ару кезектесіп,Таныстырып өздерін өтсе дейміз.

ІІ-кезең: «Өнерлі өрге жүзер» Кішкентай аруларымыз өз бойындағы өнерлерін көрсетеді.ІІІ-кезең: «Ойлы болсаң, озып көр» Отанға, достық, еңбек туралы мақал-мәтелдер жарысы; Мен мақал-мәтел айтамын, жалғасын тауып айтамыз.

1. Отан – отбасынан ....

2. Отан үшін отқа түс ....

3. Досы көпті – жау алмайды,

Ақылы көпті – ...

4. Жүз теңгең болғанша – ...

5. Дос жылатып айтар, дұшпан ...

6. Еңбектің наны тәтті,

Жалқаудың ...

7. Еңбек түбі...

8. Еңбек етсең ерінбей, ...

ІV-кезең: «Ой жүйрік» жұмбақтар сайысы, мен жұмбақ айтамын, ойланып шешуін табамыз:

Жеп көріп ем өзін мен,

Жас шығарды көзімнен. (Пияз)