9 мамыр Жеңіс күніне арналған 5-сынып тәрбие сағаты

9 мамыр Жеңіс күніне арналған мерекелік сценарий

«Мәңгілік естен кетпес отты жылдар»

1-жүр: Айналып тұрсадағы жер өсінде,

Сұрапыл сойқан жылдар ел есінде.

Желпініп, желбірейді мен мұндалап,

Жеңістің алау туы жел өтінде...

Кеудесін шаттық кернеп ардагерлер,

Тұр бүгін жетпіс жыл белесінде.

Соғыстың жаңғырығы әлі есінде.

Біз үшін Жеңіс күнінен асқан қымбат мереке жоқ. Әрбір көктем бізді ойша осынау ұмытылмас әрі көптен күткен күн – 1945 жылдың 9 мамырына қайта оралтады.

2-жүр: Жер жүзінде нұр шашып Жеңіс күні,

Жақсы үміттің шырағы жанды міне!

Аспан бетін қаптаған қара тұман,

Серпіліп, зұлымдықтың сөнді түні!

1-жүр: «Ешкім де ұмытылған жоқ, еш нәрсе де ұмыт қалған жоқ». Осы сөздер соғыста қаза тапқандар ескерткіштерінде қашап жазылған.Халқымыздың зердесіне бұл дата 1945 жылдың 9 мамыры мәңгілік сақталады, ғасырлар бойы ұмытылмайды.Бұл Ұлы Отан соғысының жеңіспен аяқталған күні, әлем фашисттік құлдық қауіпінен азат етілген күн. Бұл Жеңіс күні!

2-жүр: Дәл осынау жадыраңқы жәй күні,

Болса дағы қай ғасырдың қай күні

Ұлы Отаным басын иіп бір минут,

Есіне алмақ сол бір апат қайғыны.

Ұлы Отан соғысында еліміздің тәуелсіздігі мен халқымыздың бақыты үшін ерлікпен қаза тапқан жауынгерлер рухына тағзым етіп, 1 минут үнсіз тұрып еске алайық.

1-жүр: Иә, содан бері 71 бейбіт жыл артта қалды. 1945 жылы 8 – мамырда Берлинде фашисттік Грмания жеңілгенін мойындап, қол қойды. Ал, 9 – мамыр күні бұрын соңды болмаған 1000 зеңбіректен 30 дүркін салют атылды.

2-жүр: Біздің Қазақстанда да соғыс өрті шарпымаған шаңырақ кемде кем. 1 млн 870 мың қазақстандықтар соғыстың алғашқы сәтінде – ақ майданға аттанды. Жауға қарсы атылған он оқтың тоғызы Қазақстанда жасалды.

Алғашқы құттықтау сөз беріледі.

Ән: орындауында «Жеңіс туы желбіреп» әнін қабыл алыңыздар.

1-жүр:Жеңіс деген келер дәйім күреспен,

Жеңіс үшін қарт бабалар күрескен.

Жеңіс үшін арпалысты әкелер,

Тек жеңіске қол созумен ұл өскен.

2-жүр: Жерден, көлден, аспаннан,

Соқты жауды ел күнде.

Берлинде алғаш басталған

Бітті соғыс берлинде.

Фашизмнің ордасы Рейхстагқа лейтенант Рақымжан Қошқарбаев ту тікті.