9 сынып алгебрасында шығармашылық жұмысты дамыту

Оқушылардың шығармашылық ойлауын дамыту

Математика пәнін оқытудың негізгі мақсаты-арнайы педогогикалық әдістерді қолдана отырып оқушылардың шығармашылық ойлауын, ғылыми көзқарасы мен белсенділігін дамыту, өз бетімен білім алу дағдыларын қалыптастыру болып табылады.

Жаңартылған білім бағдарламасы бойынша оқушының өзін-өзі дамытуға, алған теориялық білімдерін өмірмен байланыстыруға, оны қолдана білуге бағытталған жұмыстарға көңіл бөлінуде. Халықаралық PISA, TIMSS зерттеулерінің тапсырмалары да практикалық мазмұндығы есептерді шешуге негізделген.

Оқушыларға практикалық маңызы бар тапсырмаларды беру олардың шығармашылық ойлауын, танымдық, ақыл-ой белсенділігін арттырады. Теорияны практикамен ұштастыруға жол ашады жәнеде оқушылардың есінде ұзақ сақталады.

Сабақ үстінде математика туралы қызықты материалдар жинақтау, логикалық ойлауды талап ететін әр түрлі қызықты есептер және әзіл есептерді қолданып отыру керек. Қызықты есептерді шығару көбінесе байқап көру, іздену, шығармашылық үрдіспен жүріледі. Кез келген есепті шығару оқушыдан үлкен еңбекті, табандылығын, төзімділігін, өзіне сенімділігін талап етеді.

Осы мақсатта өзімнің сабақ үстінде, қосымша сабақтарда қолданатын қызықты және практикалық есептерді ұсынамын.

-Оқушыларға тапсырмаларды 6 деңгейлі Блум таксономиясы негізінде құрып, ондағы білу, түсіну, қолданудан гөрі синтез, анализ, бағалауға мән беру

- сабаққа тың ойлар мен ынталандырушы материалдарды енгізу

- оқушылар өзінің ойлауы мен оқуы туралы ойлана алуына жағдай жасау үшін логикалық ойлау мен зерттеу дағдыларын енгізу

- оқушыларға өздеріне қызықты салаларда сұрақ құрастыруға көмектесу

- топтық жұмыс жүргізуді көздейтін жаттығуларды енгізу

- оқушыларды өз бетінше ойлануға жетелеу

- оқушылардың логикалық ойлау дағдыларын дамытуға көмектесетін ашық сұрақтар қою

- оқушыларға өздерінің ойлау дағдылары мен ғылыми-зерттеу дағдыларын қолдануды ескертіп отыру

- оқушыларға өзіндік жұмыстарда жетістікке жетуге мүмкіндік беретін жобаларды жоспарлау және ұйымдастыру.

Мысалы:(9-сынып) Шеңбердің ұзындығы және доғасы тақырыбында практикалық жұмыс ретінде әр оқушы өзіне тақия тігу (моделін жасау) тапсырылады.

Қазақ киімдерінің ішіндегі ең көріктісінің бірі-әшекейленіп тігілген тақия болып табылады. Тақиялар ерлер және әйелдер тақиясы болып бөлінеді. Әр оқушы өзіне тақия моделін жасау керек.Бұл тапсырманы орындау барысында тақия жиегінің ұзындығы мен төбесінің шеңберінің ұзындығы дәл келу керек. Тапсырманы орындау алгоритімін оқушылар өздері құрастырады.