А дыбысы мен әрпі ашық сабағы, бастауыш сынып, 1-сынып

Пәні: Сауат ашу

Ұзақ мерзімді жоспардың бөлімі: « Мен және менің мектебім».

Мектеп № 87 орта мектеп

Мұғалімнің аты- жөні: Омарова Асыл

Сынып: 1 Г

Қатысқандар: 20 Қатыспағандар:

Сабақ тақырыбы

Мектебіме саяхат А а дыбысы мен әрпі

Оқу мақсаттары

1.1.4.1 мәтіннің мазмұнын тақырыбы немесе оның иллюстрациясы бойынша болжау

1.1.9.1 сөздегі дыбыс түрлерін (дауысты, дауыссыз, жуан және жіңішке дауыстылар) ажырату және дұрыс дыбыстау

1.3.8.1 жазу жолын, жоларалық кеңістікті, жолдың жоғарғы және төменгі сызығын сақтап, әріп элементтерін каллиграфиялық талаптарға сай жазу.

Сабақ мақсаттары

Барлық оқушылар: А дыбысы бар сөздерді атайды. Тақырып бойынша мәтіннің мазмұнын анықтайды.

Көпшілігі: Иллюстрация бойынша мәтінге болжам жасайды. Дауысты, дауыссыз, жуан және жіңішке дыбыстарды ажыратады.

Кейбір оқушылар: Аа дыбысының сөздегі орнын біледі.Әріп элементтерін каллиграфиялық талапқа сай жазады.

Бағалау критерийлері

Тақырып арқылы мәтіннің не туралы екенін айтады.

Әріптерді таниды және ажыратады.

Әріп элементтерін талапқа сай жазады.

Құндылықтарды дарыту

Қызығушылығы жоғары, өзіне сенімді, жауапкершілігі мол,еңбек пен шығармашылық, өмір бойы оқып үйренуге баулу

Пәнаралық байланыс

Дене шынықтыру – спортзалға саяхат жасайды.

Дүниетану – адамға пайдалы тағамдарды ажыратады.

Математика – сөздегі дыбыс санын атайды.

Бастапқы білім

Аа дыбысының дауысты дыбыс екенін біледі.

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Басы

5 мин

Ұйымдастыру кезеңі. Оқушылар шеңбер бойына орналасады.

І нұсқа. Ширату «Сөз ойла, тез ойла»

Оқушылар шеңбер бойына тұрады. Ортада мұғалім жіпті әр оқушыға ұсынған сәтте, жіпті ұстаған оқушы шапшаңдықпен Аа дыбысы бар кез келген сөзді атау керек. Ойын әрі қарай жалғастырылады.

Кері байланыс. « Доп лақтыру».

А дыбысы сөздің қай жерінде кездеседі екен?

Бағалау. Бармақпен бағалау.

Түсіндім Жартылай түсіндім Түсінбедім

Топқа бөлу. « Мозайка» әдісі

1-топ: « Асхана» тобы

2-топ: « Кітапхана» тобы

3-топ: « Спортзал» тобы

ІІ нұсқа. Ширату « Таңда, бірақ қателеспе».

Оқушылар шеңбер бойымен тұрады. Шеңбер ортасына қима суреттер қойылады. Оқушылар әуен ырғағымен билей жүріп, «Ұнаған затыңды таңда» деген кезде өзінің ұнатқан суретін алады да, айтып шығады. ( Онда асханаға қатысты заттар, кітапханаға қатысты заттар, спортзалға қатысты заттар болады).

Кері байланыс. « Екі жұлдыз, бір тілек» әдісі

Қандай суреттер жинадық?

Олар не үшін қажет?

Топқа бөлу:

1-топ: «Асхана» тобы

2-топ: « Кітапхана» тобы

3-топ: « Спортзал» тобы.

Жіп, доп

Қима суреттер

Ортасы

30 мин 3

2мин

3 мин

(МК;Ұ) « Ажырата біл». «Бинго» әдісі.

Оқушылардың қолында «А» әрпі болады. Қоржынның ішінен А әрпі бар кез келген затты таңдап алады. ( Алма, алмұрт, алхоры, ананас, апельсин, анар, кітап, қалам, ).

Кері байланыс. « Серпілген сауалдар» әдісі.

Сізге алған затыңыз ұнайды ма? Неліктен?

Бағалау. Жарайсыңдар!

Бүгінгі сабақтың Аа дыбысы және әрпі екені айтылады.

Оның сөздің басында, ортасында, соңында келетіндігі айтылады.

Топтық жұмыс « Аа әрпімен саяхат».« Ойлан, топтас, бөліс».

Топтағы рөлдер анықталады.

Капитан – рөлдерді анықтайды.

Баяндамашы - баяндайды

Хатшы – кері байланыс береді

Уақыт сақшысы – уақытты белгілейді.

Оқушылар мектептің ішіндегі асханаға, кітапханаға, спортзалға топ болып саяхат жасайды.

1-топ: «Асханаға»

2-топ: « Спортзалға»

3-топ: « Кітапханаға».

Кері байланыс. « Сиқырлы микрофон» әдісі. немесе «Үш қадам сұхбат» әдісі.

Саяхат жасау ұнады ма?

Қайда болдыңыздар?

Қандай әсер алдыңыздар?

Бағалау. Топтар бірін бірі бағалайды.

Дерек көздерден мәлімет (Оқылым)?

Мынау –асхана. Мынау – спортзал. – Мынау – кітапхана.

Жұптық жұмыс «Сөз құра» әдісі. (Айтылым)?

Оқушылар суреттердің көмегімен сөз құрап, оқиды.