Абай оқулары: аналар арасындағы мәнерлеп оқу сайысы

«Аналар мектебінің» жұмыс жоспары негізінде ұйымдастырылған «Ұлы халықтың-Ұлы Абайы» мәнерлеп оқу сайысы

1. Байқау мақсаты мен міндеттері:

1.1. Аналармен балалар арасында Абай Құнанбайұлы шығармашылығын, өлеңдерін мәнерлеп оқуды насихаттау;

1.2. Аналармен балалардың оқырмандық көзқарасын кеңейту;

1.3. Өскелең ұрпақтың шығармашылық және зияткерлік қабілетін дамытуға жағдай жасау;

1.4 Әртістік қабілеті бар балаларды анықтау және оларға қолдау жасау, өз таланттарын көрсетуге мүмкіндік беру.

Жүргізуші: Армысыздар, саналы сөзді сары алтыннан артық бағалаған қадірменді қонақтармен құрметті педагогтар және біздің бөбекжайымыздың тәрбиеленушілері!

Жүргізуші:

Ақыл – ой ақындықтың киесі – Абай!

Түгел сөздің түбі бір жүйесі – Абай!

Адалдық, ар ұяттың данышпаны

«Өлең – сөздің патшасы» иесі Абай!, демекші бүгінгі өткізгелі отырған «Аналар мектебінің» жұмыс жоспары негізінде ұйымдастырылған «Ұлы халықтың-Ұлы Абайы» мәнерлеп оқу сайысымызға қош келдіңіздер!

Жүргізуші: Абай – қазақ халқының ұлы перзенті, ақын дарын иесі. Абайдың өнегелі өмірі, әрбір ұланның жүрегінде мақтаныш сезімін ұялатады. Абайдың әр сөзі білген адам үшін өнеге, өсиетке толы. Сондықтан Абай сөзімен айтқанда, адам болам десеңіз, абай жолымен жүріп, ата баласы емес, адам баласы болып, адамгершілік пен ізгілік қасиеттерін бойға сіңіре беріңіздер деп айтқым келеді. Олай болса мәнерлеп оқу сайысымызды бастайық.

Жүргізуші: Олай болса, мәнерлеп оқу сайысының қатысушыларын ортаға шақырайық!

№5 «Күншуақ» кіші тобы

№3 «Ботақан» ортаңғы тобы

№4 «Құлыншақ» ортаңғы тобы

№6 «Қызғалдақ» ортаңғы тобы

№7 «Түймедақ» ортаңғы тобы

№1 «Қошақан» ересек тобы

№2 «Балапан» ересек тобы

№8 «Құлпынай» ересек тобы

№9 «Бәйшешек» ересек тобы

№10 «Ақжелкен» мад тобы

№11 «Жұлдыз» мад тобы

№12 «Қарлығаш» мад тобы

Жүргізуші: Сайысымызды бастамас бұрын бүгінгі мәнерлеп оқуда қазылық ететін алқа мүшелерімен таныс болайық:

Бөбекжайымыздың директоры Толкын Нурасыловна

Бөбекжаймыздың әдіскері Айжан Кенжешевна

Бөбекжаймыздың логопед маманы Мақпал Махмутқызы

Жүргізуші: Сайысымыздың шарттарымен таныс болайық:

1. Байқаудың шарты

1.1. Байқауда Абай Құнанбайұлының өлеңдері орындалады.

1.2. Бір оқылымның регламенті 3-5 минуттан аспауы тиіс. Оқу барысында музыкалық сүйемелдеу, декорация, костюм қолдануға болады. Қатысушы дауысының жазбасын қолдануға болмайды.

1.3. Байқауға барлық топтардағы бір баламен анасы қатысады.

2. Оқылымды бағалау

2.1. Байқау қатысушыларының оқылымын бағалаудың негізгі критерийлері:

таңдап алынған шығарманың өзіндік ерекшелігі;

оқу мәнері мен анықтығы (логикалық екпін, дауыс ырғағы, тембр, оқылымның эмоционалдық-экспрессивтік бояуы);

актерлік шеберлік;

орындаушының сыртқы түрі;

шығарма тақырыбы мен музыкалық сүйемелдеудің, костюм мен декорацияның үндесуі.