Абай Құнанбаев туралы сыныптан тыс тәрбие сағаты

Абай – даналықтың бастауы.

Қазақтың бас ақыны – Абай Құнанбаевтың туғанына 175 жыл!

Мақсаты: Білім алушыларды Абай шығармашылығын сүйіп оқуға, өмірін, қасиеттерін үлгі ете отырып, білім – ғылымға құмарлығын арттыру.Абай атамыздың туғанына 175 жыл толуына байланысты осы атаулы күнді жоғары дәрежеде өткізу.

Көрнекілігі: Абай суреті, қанатты сөздер, слайд.

Түрі: тәрбие сағаты.

Өтілу барысы:

І. Ұйымдастыру кезеңі.

1.Кіріспе.

Өлсе өлер табиғат, адам өлмес,

Ол бірақ қайтып келіп, ойнап-күлмес.

Мені мен менікінің айырылғанын,

«Өлді» деп ат қойыпты өңкей білмес.

Көп адам дүниеге бой алдырған,

Бой алдырып, аяғын көп шалдырған.

Өлді деуге сыяма ойлаңдаршы.

Өлмейтұғын артына сөз қалдырған – дегендей бүгін біз артына өнегелі сөз қалдырған ұлы ақын атамыз – Абай Құнанбайұлы туралы сөз қозғамақпыз.

Даламызды мұңлы үміт,

Тұрған кезде қалтырап

Көкіректерге нұр құйып,

Күн боп тудың жарқырап.

Абай – ақын ер еді,

Абай дана, сері еді,

Абайдың рухын өлтірмей,

Асқақтатқан елі еді

Аспандатқан жері еді.

Ақын жаны кең еді,

Ойлағаны ел еді.

Халқым, жұртым дегенде

Талай шабыт кеп еді,

Дара ақын ер еді,

Жүрген жері төр еді.

Ақындар жырлап айтқандай

Абай тіл иен көз еді.

Абай жыры мәңгілік,

Жүрегім оны сезеді.

Жазира, дархан бел еді.

Абай - қазақтың ұлы ақыны. Абай – сазгер, философ, ойшыл, ақын, аудармашы, данышпан. 1845 жылы жылан жылында туып, 1904 жылы 60 жасынды Семей уезінің Шыңғыс болысында дүниеден қайтқан. Негізгі аты – Ибрахим болса да, «Абай» деп анасы Ұлжан еркелетіп атаған.Бұл есіммен бүкіл әлемге танылды. Ол халқын жоқшылықтан, азаптан құтылудың жолын іздеп, оқу – білімге шақырды. Жаман әдеттен арылып, жақсылықты өн бойына жинауға үндеген.

ІІ.Негізгі бөлім.

1.Абай Құнанбаев туралы әдеби – монтаж.

1 – білім алушы: Шамшырағы қазақтың – ұлы Абай,

Бағдарымсың бет түзер құбыладай!

Ана тілдің арқасы, ұғып келем,

Желілерін ойыңның үзіп алмай.

2 – білім алушы: Талант таудың ұшпағы – ұлы Абай,

Таңдан, әлем, қазақтың ұлы қандай!

Әр тасыңнан бастау –ап, өлең-бұлақ,

Сыбдыр қаққан балбөбек тілі балдай.

3 – білім алушы: Абай – дара, Абай –кемел озат та,

Жол салады әр өлеңі ғажапқа!

Бар жазғаны даналық боп саналған,

Жалғыздардың жалғызы ол қазақта.

4 – білім алушы: Мыңмен жалғыз алысқан,

Арыстандай ер еді.

Әр ақынды кезеді

Абайдың өлең-өзені.

Ары таза, иманы мол данышпан.

Заман үнін сезе білген алыстан.

Өлеңімен оятып әр сананы,

Өмір бойы надандықпен алысқан!

5 – білім алушы: Дана Абайға тең келмес ешбір ақын,

Танытты ол адамзаттың асыл затын.

Қырық бес қара сөзді жазып кетті,

Шырақ қып ұстап жүрміз атап атын.

6– білім алушы:Аты өшпейді Абайдың мұңым анық.

Ар – ожданын намысқа жанып алып,

Қалың елім елім қазағым деп жырлады,

Зередей әжесінен тәлім алып,

Әр сөзінде астарлы ой тұрады.

Оқысаң, ашылады ой тұманы.

Сүрініп, жығылмауға Абайды оқы!

7-білім алушы: Абай сөзі – қазақтың бойтұмары.

Қазақтың асқан кемелі

Жұрттың қамын жеп еді,

Ақынның рухы өлмейді, Абай – ұлы себебі!

Жүргізуші: Ұлы ақынның туған жері – табиғаты тамаша Семей жері, Шыңғыс таудың баурайы.Осы туған жердің табиғат, өскен ортасы, заманы – барлығы Абайдың сезіміне, жүрегіне әсер етіп, оның ақындығына…