Абай Құнанбайұлының 175 жылдығына арналған мақала

Абай мұрасы – халық қазынасы

Қай халықтың болмасын өсіп-өркендеуі, ақыл-ойы мен санасының, әдебиеті мен мәдениетінің, өнері мен білімінің – қысқасы, бүкіл рухани жан дүниесінің дамуы, жалпы адамзаттық өркениетке ұмтылысы – сол халықтың өміріне, ұлт ретінде адами болмысы мен рухына іргелі бетбұрыс жасаушы ұлы дарындардың тарихи еңбегімен, қайталанбас қайраткерлік тұлғасымен тығыз байланысты болып жатады.

Абай Құнанбайұлы қазақ халқының басындағы мәңгі өшпес жарық жұлдызы. Абай – қазақтың ұлттық философиясының негізін салушы, жаратылыстың құпиясына, табиғат пен қоғамның, адам мен заманның сырына терең бойлаған кемеңгер ойшыл. Ақын ел арасында болатын көптеген жағымсыз әрекеттер: іштарлық, көрсеқызарлық, сондай ақ көреалмаушылық, еріншектік, жалқаулық сияқты теріс қылықтардан аулақ болуға үндеп, ұрпаққа үлгі көрсетпек түгілі қара басын әрең алып жүрген мына халықтың берекесіз тірлігін күні бұрын көріп тұрғандай ашық та айқын суреттеп, тереңнен баяндаған. Абай қазақ қоғамын ерінбей еңбек етуге шақырды.

Ұлы ақын, ағартушы Абай музыка саласында да кең ауқымды мұра қалдырды. Абай әндерінің бізге толық жеткен себебі — олардың халықтың жүрегінде сақталуға сапасы сай келетін шығармалар болғандығынан да, халық санасынан өшпес орын алды.

Білім алуға жұмылған еңбек әрқашанда жемісті және ізгілікті болатынын қадап айтып, ұлы ақын елді өркениетке жеткізер жалғыз жол — оқу-білім екенін көзі қарақты жастарға түсіндірді.

Өлмей тұғын артында сөз қалдырған,» - дегендей № 121 Құсмұрын орта мектебінің қазақ тілі мен әдебиеті пәні мұғалімдері және оқушылардың ұйымдастыруымен Мәдениет үйінде мерекелік іс-шара өткізілді. Абай Құнанбайұлының 175 жылдығына арналған әдеби-танымдық кешті мектеп қызметкері Жамбалина Аида Нұрмұхамбетовна мен тарих пәні мұғалімі Аласкар Нина Сергеевна жүргізді. Іс – шара барысында ұлы ақынның өмірі бала кезінен бастап қартайған шаққа дейін қойылымдар көрсетілді. Ұлы ақынның бала кезін сомдаған қойылымда бала Абайды 4 сынып оқушысы Құрмашев Диас , ал жастық шағын 11 сынып оқушысы Гавриленко Дмитрий және қартайған шағын бастауыш сынып мүғалімі Прохорчев Сергей Владимирович көрермендерге аса шеберлікпен жеткізді. Киелі сахнада 6 сынып оқушылары Дзецко Анна, Камбаров Юрий, Литуновский Илья, Қаиржан Мирас, Аласкар…