Абай шығармалары бойынша 8-сынып ғылыми жұмысы

Сакен Жунісовтың Акан Сері шығармасындағы Акан Сері мен қоғам бейнесі .

Тегінде тегін бе екен Ақан сері,

Бұлда бір емес пе екен елдің ері?!

Өз ұлын, өз ерлерін ескермесе,

Қайран ел алсын қайдан кемеңгерді?!- деп жыр дүлдүлі І Жансүгіров айтқандай,қазақ даласы қашаннан дарынды тұлғаларға бай халық екеніне ешқандай шүбә келтіруге болмас. ХХ ғасырдың екінші жартысында қазақ әдебиетіне тың жаңалық, соны ой әкелген ірі тұлға, ол – Сәкен сері Жүнісов еді.Киелі Көкше жерінде дүниеге келген Қазақстанның халық жазушысы, драматург, дарынды талант иесінің қалымынан туған туындылар қазақ әдебиетіне тың жаңалықтар әкелгені сөзсіз. Жазушының қай шығармасы болмасын әрқайсысын жеке-жеке сөз етуге тұрарлық қомақты дүниелер. Бірақ солай бола тұрса да, Сәкен сері шығармаларының арасында ғана емес, қазақ әдебиетінде ерекше орын алатын «Ақан сері» романы екендігі даусыз.Бұл роман жазушының ізденісін, аталмыш тақырыпқа мол дайындықпен келгенін аңғартады. Басты кейіпкер – Ақан серінің мінез қырлары, оның ақындық, шешендік толғамды тектілігі, өзіне ғана тән ірі кісілік қасиеттері, аңшылық, саятшылығы, әнші-серілігі бәрі-бәрі де қамтылған.Ақанның өмірі ғана емес, кешегі көшпенді қазақ даласының салт-дәстүрін, әдет-ғұрпын кейінгі ұрпаққа насихаттаудың таптырмас құралы болып табылатын туындылар.

А қ а н н ы ң өм ір і - ер т ег і өм ір . Су д а й сұлу, ж ел д е й е к п ін д і, ж ал п а қ жұртқа ж а т , жұм б а қ өм ір . ,-деп М . Ж ұ м а б а е в айтқандай, "Ақан сері” романында сонау бұлыңғыр заманда өмір сүрген дарынды өнер иесінің жұмбақ өмірі айқын бейнелеген.Ақансол бір кереғар заманда дүниеге келсе де, өмірдің ащы сынағына малтығып жүрген ел-жұртын, өзінің ерекше серілік, саятшылық, әншілік дарынымен емдеп, мұңын домбыраның шанағынан шыққан әсем үнмен тарқатып отырған. Бұл романда Ақан қазақ даласына, қазақ еліне нағыз керек кезінде туғандай болып көрінеді. Осы бір кереғар замандағы бай-қожалардың көзсіз іс-әрекеттерінің кесірінен, серінің қанаты, жан досы, алтынға да айырбастамас асылы Құлагерден айырылады. Дәл сол сәттегі ұлы ақынның жан күйзелісін Сәкен сері бар болмысымен сезініп шынайы суреттеген. Романда бұл оқиғаны оқыған қандай оқырман болмасын өне бойы шымыр етпей қоймас.