Абайла, бағдаршам! мектепке дейінгі тәрбие сағаты

«Жангелдин ауданы әкімдігі білім бөлімінің «Балдырған» бөбекжай – балабақшасы»

Абайла, бағдаршам!

Тәрбиеші Досмаганбетова Г.Б.

Абайла, бағдаршам!

Мақсаты: Балалардың жолда жүру туралы алған білімдерін тиянақтау.Жол белгілерін айыра білу дағдысын қалыптастыру.Алған білімдерін іс жүзінде қолдануға қызығушылықтарын тудыру.Балаларды мейірімділікке, байқағыштыққа тәрбиелеу.

Көрнекілігі: Жол белгілері, бағдаршам, алдын-ала әзірленген киімдер, ойыншық машиналар.

Әдіс-тәсілдері: Ойын, сұрақ-жауап, театрландырылған көрініс.

Сабақтың барысы:

Сабақтың ұйымдастыру кезеңінде балалар шеңбер болып тұрып, қимылмен:

Армысыз, қайырлы күн!

Армысыз, қайырымды Аспан-ата!

Армысыз, мейірімді Жер-ана!

Армысыз, шұғылалы Алтын-күн!

Қуанайық, шаттанайық бәріміз!

Күліп шықты күн бүгін,

Бәріміз күндей жарқырайық!

Бәріміз тату болайық!

Бәріміз дос болайық! – деп бір-біріне лебіздер білдіреді.

Тәрбиеші: Балалар, бүгінгі күнімізде мен де сендерге сәттілік тілеймін./осы кезде есік қағылып, почташы хат әкеледі./

Тәрбиеші: Балалар,бізге хат келіпті.Қане, оқиық. «Біз жол белгілері елінің тұрғындарымыз.Біздің жол белгілерін мыстан кемпір сиқырлап тастады.Енді біздің елімізде жол апаттары болып жатыр.Бізге көмектесіңіздер.Сәлеммен жол белгілері елінің тұрғындары.»

Тәрбиеші:Көрдіңдер ме, балалар, жол белгілерінсіз, бағдаршамсыз жолда жүру өте қиын екен.Олай болса біз автобуспен «Жол белгілері еліне» саяхатқа барамыз.Ол үшін, балалар, алдымен көлікте, автобуста жүру ережелерін есімізге түсірейік.

Балалар:

-Автобусқа, трамвайға артқы есіктен кіріп, алдыңғы есіктен шығу керек.

-Жасы үлкен адамдар мен кішкентай бөпелі адамдарға орын беру керек.

- Автобуста айқайлап сөйлеуге,қатты күлуге болмайды, ол әдепсіздікке жатады.

- Ашық есік, терезеден басын, қолын шығаруға болмайды, олай істеу қауіпті.

Тәрбиеші: - Өте дұрыс.Онда автобусқа мінейік, сапарға аттанайық./үнтаспадан музыка ойналады.Автобустан түскенде алдарынан жылаған бала шығады./

Тәрбиеші: -Балақай сен кімсің, саған не болды?

1-бала: - Мен жол белгісімін, мені және менің достарымды мыстан кемпір сиқырлап тастады. Мына жұмбақты шешкенде ғана менің сиқырым кетеді./қолындағы қағазды ұсынады/

Тәрбиеші: -Ілулі тұрған не белгі? Машинаға «тоқта» деген белгі берді.

Жол үстінде ақ-қарамен сызылған жолақтар.Жаяуларға «өтіңдер» деп белгі береді.

Балалар: Жаяулар өтпесі.

Тәрбиеші:Балақай, қалған достарың қайда? Оларға да көмектесейік.

2-бала: /Ақбота/

Бір ғажабы бұл жерде,

Бір нәрсені ел күтеді.

Отырады біреуі,

Тік тұрады біреуі.

Неғылған жер бұл өзі