Адал достық тақырыбы бойынша төртінші сынып ашық сабағы

Өзін-өзі тану сабағының жоспары

Үшағаш негізгі орта мектебі КММ

Мерзімі: 29.01.2018 жыл

Тақырыбы: Адал достық

№ 10- сабақ

Құндылық:сүйіспеншілік

Қасиеттер:отбасындағы сүйіспеншілік, бауырмалдылық, достық

Мұғалім:Сериккалиева Ж.Ж

Сынып: 4-сынып

Оқушылар саны:10

Сабақтың мақсаты:

Оқушыларға құрбыларының арасында жағымды қарым-қатынас орната отырып, сүйіспеншілік құндылығының мәнін ашу

Міндеттері:

Адам қарым-қатынасындағы «дос»,бауырмалдық ұғымына түсінік беру;

Бауырмалдық қарым-қатынасты дамыту;

Адал дос болуға тәрбиелеу

Ресурстар:ватман, түрлі-түсті қарындаштар, үнтаспа.

Сабақ барысы:

Ұйымдастыру кезеңі.Тыныштық сәті.

5 Т ережесі

Нұрға бөлену.

Үй тапсырмасын тексеру.№ 10 сабақ

«Екі дос» Аңыз әңгіме

Жауынгерлердің арасындағы бұл достықты адал достыққа жатқыза аламыз ба?

Олардың адалдығын қай іс-әрекеттерінен байқадыңдар?

Досыңның шынайы әрекеті қандай қасиетті білдіреді?

( Риясыз сүйспеншілікті)

Сабақ барысын талдау:

Дәйексөз.

«Сүйіспеншілік бар жерде - байлық пен сәттілік бар»

нақыл сөз

Сүйіспеншіліктің адам өміріндегі маңызы?

Адамның барлық сәтті ісі қалай жасалады?(Сүйіспеншілікпен)

Әңгімелеу.

”Бақытты отбасы’’(қытай аңыз әңгімесі)

Баяғыда бір үлкен отбасы өмір сүріпті. Отбасындағы адамдар саны өте көп екен,олар бірге тұрыпты.Ол отбасы ерекше екен, отбасының өзара келісімде, татулықта өмір сүруі елді таң қалдырады. Оларда ұрыс-керіс, дау-жанжал деген атымен болмайды екен. Бұл отбасы жайлы патшаның құлағына да жетеді. Патша естігенінің растығын білгісі келіп, ауылға келеді. Ауыл тап-таза, барлығы да жеткілікті, тыныштық пен береке қонған. Патшаның көңілі толып,ерекше бір шаттыққа бөленеді. Сыйластығы жарасқан бақытты отбасында қариялардың орны төрде, уайым-қайғысыз, балалары бақытты, мәз-мейрам екен. Бұған патша таң қалып. Отбасының қалайша бақытты, тату-тәтті өмір сүруінің мәнісін білгісі келеді. Ауыл ақсақалына келіп, отбасындағы татулық пен бірлікке қалай жеткендерін айтуын өтінеді.

Сол кезде қарт қағазға үш сөз жазады. Ол қандай үш сөзді жазды?

(сүйіспеншілік, кешірім, бірлік)Үш сөзді оқыған патша таң қалып: Осы-ақ па? Ия, - деді ақсақал.-Барлық жақсы отбасылары тек осы қасиеттерден құралады,-деді де, сәл ойланып, «және шыдамдылық» деген сөзді қосып қойды.

-Патшаны таңқалдырған көрініс?

-Отбасының татулығын ұстап тұрған қандай қасиеттер екен?

достық, сенімділік, сыйластық, кешірім, сабырылық, бірлік,)

-Отбасының бақытты тірлігі қандай құндылықты білдіреді?

Шығармашылық жұмыс.

Досты кешіре білу

(Көрініс,жағдаяттан шығу)