Адал еңбек алғысын ұстазыма 4 сынып тәрбие сағаты

Тақырыбы: Адал еңбек, алғысым ұстазыма!

Мақсаты: Бүкіл адамзат баласы бас иер асыл тұлға ұстаздардың еңбегін, жас ұрпақты ұстазды құрметтеуге, адамгершілікке, сыйлап түсіне білуге үйрету, ұстаз мамандығының қыры мен сырын түсіндіру. Ұстаз еңбегін әрқашанда бағалай білуге үйрету.

Көрнекілігі: Ұлағатты сөздер, шарлар, гүлдер

Барысы:

І-жүргізуші:Құрметті ұстаздар және оқушылар! «Адал еңбек, алғысым ұстазыма» атты Ризашылық күніне арналған ашық тәрбие сағатымызға қош келдіңіздер! Бүгін ризашылық күні. Бұл күні адамдар бір-біріне қуаныш, шаттық сыйлайды, өз жетістіктерімен бөліседі, бір-біріне алғысын айтады.

Ризашылық өлеңін оқу

Ризамын бүгінге,

Ризамын қазірге!

Ризамын, ризамын, ризамын бүгінге,

Ризамын, ризамын, ризамын қазірге.

2 жүргізуші: Баршамыздың сауатымызды ашып, білім нәрімен сусындатып өмірге қанат қақтырған - ұлағатты ұстаздар. Сіздерге алғысымыз шексіз. Сіздерге бүкіл адам баласы бас иеді.

Раушан:

Ғұлама, білгіш ғалымнанОқушы жас жалыннанМархабатты ойшылданМал өсірген қойшыданЖазушыдан, ақыннан,Космонавтан, батырдан,Өнері тасқан артистен,Ырыс қазған шахтерден,Мың бұралған бишіденОй тербеткен күйшіденСіздерге бүгін мың алғыс. (бәрі бас иеді)

2 жүргізуші: Келесі кезекте Гаухардың орындауында «Көңілді күн» әнін қабыл алыңыздар.1 жүргізуші: Құрметті ұстаздар! Біз сіздерден үлгі аламыз, сіздерді мақтан етіп жырға қосамыз. Олай болса, Мәншүк пен Ақбаянның «Ұстаз деген..» өлеңін тыңдаңыздар.

Мәншүк пен Ақбаян:

«Ұстаз деген....» Мұғалім мен ұстазда бар айырма, Ұстаз деген - жақсы әндегі қайырма. Мұғалім, ол - бар болғаны ма мамандық, Жеткенінше жеті өнерлі шайырға. Ұстаз деген - ұлағаттың шайыры, Қадірінің тиетұғын қайыры. Ұстаз деген - шуағы мол шапағат, Шаршамайтын, шалдықпайтын, тәйірі. Ұстаз деген - ұстаз болып туғандар, Ұлылықты ұлықтаған имандар. Ұрпағының ертеңіне жол ашып, Өмірінің әр шақтарын қиғандар. Қимағандар — ұстаз емес, мұғалім, Мұғалім боп, ұстаз болмау күнә, мың.Қара тақта, ақ бор ғана қолданып,Ұстатты ұстаз дүниенің құлағын.....Жақсы ұстаздың шын мәңгілік пайдасы, Өзіне обал арзан дәріс, айласы. Ұстаз болу бақыт, әрі абырой Ұстаз деген – шәкірттердің айнасы.

2 жүргізуші: Мұғалім мәңгі нұрдың қызметшісі, ол барлық ой мен қимыл-әрекетіне ақылдың дәнін сеуіп, нұр құятын тынымсыз лаулаған жалын иесі. Ол өзінің барлық жігерін, білімін, бойындағы барлық бағалы қасиетін өзінің оқушыларына, халыққа беріп отырады.1 жүргізуші: келесі кезекте ұлағатты ұстазымызға арналған «Ұлт ұстазы» өлеңімен Гаухарды ортаға шақырамыз.

«Ұлт ұстазы»

Кім ұғады оқушының тілегін, Кім ұғады оқушының жүрегін. Ұғатын кім, үйден аттап шыққан соң, Ұғатын ол - ұстаздар деп білемін.Оқушыға мейірі мол анадай, Ол қуанса, қуанады баладай. Түсе қалса, қабағы мен қасы егер, Жұбатады жылы сөйлеп аялай. Үйретеді жалықпастан өнеге, Отырығызып білім атты кемеге. Теңіздейін тереңіне бойлатып, «Маржан» терсе, көтереді төбеге. Өрелі боп өссе ұлы-қыз бағына, Асып - тасып мерейленіп тағы да -Міне, менің шәкірттерім осындай,-деп, өткенін еске сағына. Жақсы шәкірт - жақсы ұстаздың жалғасы, Өзендердей ортаймайтын арнасы. Ұлт ұстазы, ұлағатты келіскен, Ар-білімін ұрпағыңа арнашы! 1 жүргізуші: Аружанның орындауында «Ұстазым» әнін қабыл алыңыздар.