Адалдық адамның басты қасиеті туралы тәрбие материалы

02.09.2019 жыл

6 «А», «Б», «В» сыныптар

Тақырыбы: «Адалдық – адамның басты қасиеті»

Мақсаты: Адамдарға жақсылық ойлау, ондағы адалдық, әділдік, шыншылдық сияқты адами құндылықтардың алтын орны, олардың адамдар үшін маңызы жайлы, адалдық пен шыншылдыққа, әділдікке бағдарлай отырып, әдептілік ережелерін қадағалауды үйрету;

Күтілетін нәтиже: Оқушы ізденіске ұмтылады, оқығанын талдап, мәнін аша біледі,ой қорытады, аз сөзбен түйіндеуге дағдыланады. Адами қасиеттерді, адалдық, шыншылдық, әділдікті бойына сіңіреді. Әлеуметтік жағынан дамыған, ұшқыр, ұтымды ойлап, белсенді қимылдайтын, өзгенің пікірін сыйлап, төзімділікпен тыңдай білетін саналы азамат болып қалыптасуға дағдыланады.

Құндылықтарды дамыту: Оқуға, жағдайды талдауға, жаңа шарттарға бейімделуге, мәселе қоюға және шешім қабылдауға, топта жұмыс істеуге, өзінің жұмысының сапасына жауап беруге, өзінің уақытын ұйымдастыруға дағдылану.

Түрі: пікір талас,ой қозғау

Көрнекілігі: «Адалдық – адамның басты қасиеті» слайд т.б

Барысы:

Ұйымдастыру кезеңі

Тыныштық сәті. Ой қозғау

Мұғалім(Екі дос туралы әңгіме оқиды)

Екі дос

Ел аузынан

Ертеде,ел арасында жаугершілік жиі болған кезде қазақтың екі жауынгері төс қағысып дос болады.

Бірде әскерлер бір өзеннің бойына шатыр тігіп дем алады.Сонда тұтқиылдан жаудың қаптаған қалың тобы шабуыл жасайды.Тонаған мал-мүліктерін тиеп кетеді.Қолға түскен қазақ жасағын айдап әкетеді.

Әлгі екі достың біреуі жау қолына түседі.Досының қолға түскенін естіген екінші батыр күздің қара суығын елеместен өзенді малтып өтіп,жау жатқан жағаға келеді.Анталаған жау әскерлері оны тарпа бас салады.Жауынгер өзін қолбашыларына алып баруын өтінеді.Алып барған соң ол жаудың қолбашысна:

-Мен қолдарыңа түскен бір жауынгерге құн төлеп,сатып алуға келдім.Менің оған айырбасқа берер мал-мүлкім жоқ.Бір-ақ нәрсе беремін. Ол—өзімнің өмірім.Досымды босатсаңдар, ол үшін өзімнің өмірімді қияр едім,-дейді.

Қолбасы ойланып отырып,оны сынамақ болады да:

-Жарайды,мен сені қыршыныңнан қимай-ақ қояйын.Маған сол өміріңнің бір бөлшегін ғана берсең болды,-дейді.

-Ол не?-деп сұрайды досын құтқаруға келген жігіт.

-Маған сенің көздерің керек,-дейді қолбасшы.

-Ол да болсын,көзімді ал да, досымды босат,-дейді жігіт.Ол бұл сыннан тоқтаусыз өтеді.

Әлгі жауынгер тұтқыннан босанған досының иығына қолын артып ,зағип күйі қуана күлімдеп келе жатады. Мұны көрген жаудың қолбасшысы: "Мұндай ерлері бар халықты тұтқиылдан келіп,қапыда бас салған жағдайда болмаса,бетпе-бет ұрыста жеңу өте қиынға соғар”,-деп түйеді.Сөйтіп өзінің әскерлеріне шегінуге бұйрық берген екен.

Мұғалім: Бұл әңгімеден не түсіндіңдер?

Сонда бүгінгі өткелі отырған сынып сағатының тақырыбы қандай болмақ?

Жақсылап ойланып сынып сағатының тақырыбын тауып көрейік.(Оқушылардың ойын тыңдап тақырыпты ашуға тырысамыз)

Олай болса бүгінгі сынып сағатының тақырыбы::«Адалдық – адамның басты қасиеті»

Мұғалім: (Оқушыларға сұрақ қойылады. Бірнеше оқушылардың ойы тыңдалады)

Сұрақтар:

Адал достық дегенде нені түсінесіңдер?

Аңыз- әңгімедегі жауынгерлердің достығы адал достыққа жата ма? Неліктен?

Сендердің де адал достарың бар ма?

Олардың адалдығын қай іс-әрекеттерінен байқадыңдар?

Адал дос дегеніміз не?

Мұғалім: Адал дос дегеніміз-өтірік айтпайтын,шындықты жақтайтын,досын ешқашанда ұятқа қалдырмайтын,барлық уақытта қандай жағдай болмасын қол ұшын беріп көқмектесетін,қашан да қасынан табылатын,барын бөлісетін нағыз жолдас.

Мұғалім: Адалдық дегеніміз не деген сұраққа да жауап беріп көрейік

Айсағалиева Нұрайым

АДАЛДЫҚ - адам бойындағы таза ниет, бағалы қасиет, адамның сана - сезімі

мен ар - ожданына қайшы келмейтін әрекеттердің моральдық - этикалық жиынтығы. Қазақ пайымында адам бойында адалдық пәктік, ар - ұждан, жан тазалығы тәрізді қасиеттердің қалыптасқан нормаға сай болуы керек.

Қиындықты сенімен бір көрісіп,

Қажымайтын, тайсалмайтын жігері,

Дос деген жарты нанды бөлісіп,

Адалдықтан жаралады жүрегі

Бектурсынов Ерболат

Адал дос барлық жерде керек екен,

Өмірде достың орны бөлек екен.

Жақсы дос жадыратса жан дүниеңді,

Жаман достан жамандық келеді екен –

Мұғалім: адалдық туралы мақал – мәтелдерді тыңдап көрейік

Мақал - мәтелдер:

1.Адалдық - ардың ісі2.Адалдық жүрген жерде, адамдық жүреді.3.Ала жіпті аттамағанның абыройы биік.4.Асылдың бірі — адалдық5.Адамның ұяты бетінде,Адамгершілігі ниетінде

6.Дүниеде әділдік пен адалдықты ту еткен адамнан артық ешкім жоқ