Адам әлем бөлшегі тақырыбына сабақ жоспары 8 сынып

Өзiн-өзi тану сабағының жоспары

Мектеп: Атырау қаласы.НЗМ

Тақырып: Адам- әлем бөлшегі

Құндылық: Ақиқат

Қасиет: Сүйіспеншілік,ізгілік, адалдық,жауапкершілік.

Мұғалiм: Мухамбетгалиева А.С

Сынып: 8 «А», «В», «С», «D»

Мақсаты:

-«Әлем», «Адамзат», «Адам» және адамның әлеммен үйлесімі туралы білімдерін тереңдете отырып,ақиқат құндылығының мәнін ашу.

Міндеттері:

- Өзін қоршаған әлемді түсіне білуге баулу

-Адамның қоршаған ортаға ізгілік,мәдениеттілік, қамқорлық қатынасын дамыту

- Сүйіспеншілікке, ізгілікке тәрбиелеу

Ресурстар:(құралдар, мәлiмет)оқулық, жұмыс дәптері,А-4,Маркер,фломастер, флипчарт.Аудио- видео ресурс

https://www.youtube.com/watch?v=-OYR5cT7Mlo

https://www.youtube.com/watch?v=g79UeFu5a7Q

Сабақтың барысы:

1.Ұйымдастыру кезеңi.

Тыныштық сәті. Нұрға бөлеу

2. Үй тапсырмасын сұрау

(М.Әуезов «Қақтығыста» үзіндісін оқып келу тапсырылды)

Әңгімелесу:

-Түнгі әлем көрінісі Әбішке қалай әсер етті?

-Адам мен әлем тұтастығын неден байқауға болады?

-Өз өмірін және айнала қоршаған дүниені жақсарту үшін адам бойында қандай қасиеттер болуы қажет?

-Өздеріңнің ай-жұлдызбен сырласқан кездерің болды ма?

Сабақ барысын талқылау:

Дәйексөз Ғаламның ғажайып сыры – адамда. Ч.Дьюк.

Мұғалім оқушылармен бірлесе отырып дәйексөздің мағынасын ашады.

Мұғалім сыйы

«Әлемнің жеті кереметі», «Әлем ғажаптары» бейне баяндарын көру

Мәтінмен жұмыс

Сабақта З. Серікқалиұлының адамның әлеммен байланысы, қоршаған ортаны танып-білуі жайында жазылған мәтінмен жұмыс жүргізу. Оқушылар мәтінді оқып, ондағы айтылған негізгі ойды ұғындыру. Сұрақтарға жауап беру.

Адам баласының қоршаған кең дүниемен, әсіресе табиғатпен қарым-қатынас жасау барысында өз бойына ештене дарытпауы мүмкін емес.Адам белгілі бір кезеңде қалыптасқан мұрат-мүддесі негізінде ғалам көркін танып, жаратылыстың мән-мағынасын әділ саралап, баға беруге талпынады. Таным нысанасы айқындала түскен сайын адамның ой-өрісі кеңейіп, мүмкіндіктері ашыла түседі.

Әрине, әлем өрісінің, жаратылыс құбылысының әлі жете танылмаған аясы кең. Адам көзге көрініп тұрған дүние болмысын да, жерден шалғай ғалам кеңестігін де мейлінше зерттеп, оларды шынайы өмірмен байланыстыру үшін ізгі талпыныстар жасауда.

1. Ғаламды тану адамға қандай мүмкіндіктер береді?

2. Адам мен әлем тұтастығын неден байқауға болады?

3. Өз өмірін және айнала қоршаған дүниені жақсарту үшін адам бойындағы қандай қасиеттер болуы қажет?

Шығармашылық жұмыс (топпен орындау.)«Адам мен әлем тұтас»

Әр топқа форматты қағаз беріледі (адам мен әлемнің байланысын суреттеу, қорғау-дәлелдеу).

Үйге тапсырма