Адам болам десеңіз тақырыбындағы тәрбие материалы, 5-сынып

Сабақ тақырыбы: «Адам болам десеңіз.»Сабақтың мақсаты: А) Оқушыларды қарапайымдылыққа, адамгершілікке, әдептілікке, кішіпейілділікке үйрете отырып, жаман әдеттерден, теріс мінездерден аулақ болуға, адам бойындағы ұнамды-ұнамсыз қылықтарды ажырата білуге үйрету; Ә) Адам бойындағы әдептілік қасиеттерін дарыту, тіл байлығын таным белсенділігін арттыру; Б) сыпайылыққа, сәлемдесу мәдениетіне, үлкенді сыйлауға тәрбиелеу. Типі: аралас сабақ. Әдісі: сұрақ-жауап, өз ойын, пікірін айту, әңгімелеу. Көрнекілігі: слайдтар, мақал-мәтелдер, жағдаяттар тірек сызбалар. Пәнаралық байланыс: өзін-өзі тану, әдебиеттік оқу.

І-бөлім: «Мен және жанұям»Отбасы туралы шағын эссе (оқушылар өздері жазып келген шығармаларын оқып береді, сонынан сынып отбасындағы тәрбие туралы қорытынды шығару керек)Не істеу керек? (жағдаяттардан шығу жолдары, үш топ өздеріне берілген тапсырмаларды орындап, өз пікірлерін айту керек)

ІІ-бөлім: «Мен оқушымын»«Жақсы оқушы» үлгісін топтастыру керек (шағын көріністер арқылы оқушы бойындағы жақсы және жаман қасиеттерді көрсету)«Қожаға көмек» (шығарма бойынша оқушы Қожаның алдына қойған міндеттерін жазып айту керек)

ІІІ-бөлім: «Мен қандай доспым?»Достық туралы оқушылардың көзқарастары«Мен сізге жазамын.» ойыны (тренинг, оқушылар өздерінің сыныптастары туралы көзқарастарын жазып шығады)

ІҮ-бөлім: Қорытынды: «Мен қандай болуым керек?» (топтасыру арқылы оқушылар сабақта айтылып өткен қасиеттер арқылы қорытынды шығару керек)Құрметті оқушылар, ұстаздар тәрбие сабағымызға қош келдіңіздер! «Адам болам десеңіз.» атты тәрбие сабағымызды бастаймыз. Бұл тақырыптың басты мақсаты оқушылардың қоғамда нағыз адам болып қалыптасуына – отбасында, мектепте, сыныптастары, достары арасында тәрбиеленуі, жақсы қасиеттерді үйреніп, жаманнан жиренуі керек түсіндіру. Сондықтан бүгінгі сабағымыз үш басты бөлімнен тұрады. Ол – отбасындағы бала, мектептегі оқушы және сыныптағы дос. Тақтада ұл бала мен қыз баланың суреті салынған плакат ілініп тұр, сабақ барысында оқушылар сол суретке әр бөліміді қорытындылай отырып, жақсы және жаман қасиеттерді жазып көрсетіп отырады. Сабақ соңында жинақталған қасиеттер арқылы «Мен қандай болуым керек?» деген сұраққа жауап шығарылуы керек. Олай болса, сабағымызды бастайық.

І-бөлім: «Мен және жанұям». Адам баласының өмірге келгеннен кейінгі бар тіршілігі отбасында өтеді. Отбасы – шағын мемлекет. Ол – тәлім мен тәрбиенің, үлгі мен өнегенің, мейірімділік пен адамгершіліктің отбасы. Отбасы алтын ұя, киелі шаңырақ болса, сол шаңырақтың мұрагері, ұрпақ жалғасы балалар болып табылады. Отбасында балалар негізгі тәрбиені ата-анадан алады. Олай болса баланың бас ұстазы – ата-ана. Әке мен ана – шаңырақтың тірегі. Ата-ананың үйдегі қарым-қатынасы, киім киюі, мінез-құлқы – бәрі-бәрі балаға үлгі, тәрбие. Ата-ананың отбасы тәрбиесіндегі негізгі міндетін айқындайтын нақыл сөздерді де көп кездестіруге болады. Дана халқымыз «Қарағайға қарап тал өседі, жаұяға қарап бала өседі», «Әке – асқар тау, ана – бұлақ, бала – жағасында өскен құрақ», «Әкеге қарап ұл өседі, шешеге қарап қыз өседі деп бекер айтпаған. Олай болса, 1-тапсырмаға көшейік, оқушыларға отбасындағы тәрбие туралы шағын эссе жазып келу тапсырылған еді. Соларға кезек берейік (эсселер оқылып болғаннан кейін, талданып, отбасындағы тәрбиенің маңызды екенін аша көрсету керек).2-тапсырма. Не істеу керек? (жағдаяттардан шығу жолдары, үш параққа үш түрлі тапсырамалар жазылады. Сол тапсырмаларды әр…