Адам ұжымда тақырыбына сабақ жоспары

«Өзін-өзі тану» пәнінің сабақ жоспары

Мектеп:№77 Асанбай Асқаров атындағы мектеп-лицей

Мұғалiм: Ташимбетова Перизат

Сыныбы

5ж,д,в, б

5г,ә,а

5 з,е, ғ

Мерзімі

31.01.2019ж

02.02.2019ж

05.02.2019ж

Оқушылар саны:

Тақырып: « Адам ұжымда» Сабақ: №20

Құндылық : дұрыс әрекет

Қасиеттер: білім іздеу, қарапайымдылық, шыншылдық, жақсыдан жаманды ажырата білу.

Сабақтың мақсаты: Оқушыларға адамды жақсылыққа жетелейтін жақсы қаиеттер мен әрбір жақсы істердің шапағаты туралы түсінік беру.

Міндеттері:

Оқушыларды адамдардың өзара қарым-қатынасындағы ынта-ықылас,жан жылуы мен жақсылықты сезініп,алуға үйрету;

Оқушылардың қоршаған ортаға,айналасындағы адамдарға мейірімді,сыпайы қарым-қатынас жасай алу дағдыларын дамыту;

оқушыларды қарапайымдылыққа,сүйіспеншілікке,сыпайылыққа тәрбиелеу.

Сабақтың түрі аралас

Сабақтың әдісі түсіндіру,сұрақ-жауап

Көрнекілігі таратпа,кеспе қағаз,нақыл сөздер, АКТ

Мәңгілік ел оқушыларды сабырлы, ұстамды болуға тәрбиелеу, ынтымақты, тату болуға, отбасын, сыныбын, Отанын, туған жерін сүйюге, қадірлей білуге баулу.

Сабақ барысы:Ұйымдастыру кезеңi. Тыныштық сәтi.

Су асты патшалығына ойша саяхат. (Оқушылардан шеңбер құрып отыруды, қолдарын тізесіне немесе үстел үстіне қоюды, аяқтарын айқастырмауды өтініңіз. Арқаларын тік ұстауын қадағалаңыз. Жайлы, баяу музыка қойыңыз).

Мұғалім: Көзіңізді жұмыңыз және бірнеше рет терең тыныстаңыз; денеіңізді босатыңыз. Бірнеше секундтан соң теңіз түбіне саяхат жасаймыз.

Теңіз жағасымен келе жатқаныңызды елестетіңіз. Толқындардың жеңіл шалпылына, шағалалардың шуылына құлақ түріңіз. Жалаң аяқтарыңызбен құмды сезініңіз. Шалғайдан қара нүкте көріп тұрсыз: ол жақындаған кезде дельфин екенін түсіндіңіз. Ол сізді теңіз түбіне алып кету үшін келді. Ол өте әдепті жәндік, сізді шыдамдылықпен күтіп тұр. Жайлап оның арқасына отырыңыз, мықтап ұстап, жолға шығыңыз. Дельфиннің арқасында жайланып отырып, өзіңді қауіпсіз сезіну, су астында жүзу қандай керемет. Жан-жағыңызға қараңыз: мұнда кемпірқосақ тәрізді арлы-берлі жарқырай қалқыған әсем балықтар қаншама. Теңіз түбіне бойлаған сайын айнала қалайша өзгереді, суда тербелген қаншама ғажайып балдырлар. Қараңызшы, қандай орасан зор балықтар, ал енді анау жаққа көз тастаңыз... бұл орасан зор сегізаяқ. Су асты неткен қызықты әрі ғажап әлем. Сіз бір нәрсені байқадыңыз ба? Мұнда неткен тұңғиық, толық тыныштық. Осы тыныштық күйде болыңыз.(Мұғалім бірнеше секунд үнсіз қалады).