Адам жақсы ісімен көрікті сабақ жоспары 2 сынып

Тексерілді: _______________

Пән: Өзін – өзі тану

Күні: _______________№: 12-сабақ

Сыныбы: 2

Тақырыбы: Адам жақсы ісімен көрікті

Құндылығы: Сүйіспеншілік

Қасиеттері:бәрін жақсы көру, бауырмалдық, татулық.

Мақсаты: оқушыларға адам жақсы ісімен көрікті екенін сүйісеншілік құндылығы арқылы түсіндіру.

Міндеттері:

1. Білімділік: Оқушыларды айналасындағы бәрін жақсы көруге үйрету.

2. Дамытушылық: Оқушылар бойындағы бауырмалдық қасиеттерін дамыту.

3. Тәрбиелік: Оқушыларды татулыққа тәрбиелеу.

Ресурстар:

(материалдар, дереккөздер)

Оқулық,

дәптер,

белсенді тақта

Сабақтың барысы:

1. Ұйымдастыру кезеңі.

5 Т – ережесі:

1. Тәртіп.

2. Талап.

3. Тыныштық.

4. Тазалық.

5. Татулық.

Балалар ережені есімізге түсіріп, сыныптың тәртібін сақтап, оқып - білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәті -Денемізді тік ұстап, орындықта еркін отырамыз.Көзімізді жұмамыз.Көз алдарыңда көк шалғынды дала. Жұмсақ самал есіп тұр.Аспанда күн нұрын ерекше төгіп, сенің маңдайыңнан өтіп жүрегіңе құйылды. Нұрға бөленген жүрегің жаңа ашылған гүлдей сүйіспеншілік қауызын ашады. Сүйіспеншілікке толы жүректен күннің нұры сенің аяғыңа түседі.Сенің аяғың тек жақсы жерлермен ғана жүру үшін.Аяғыңнан күннің нұры қолыңа барды, тек жақсыны ғана ұстау үшін. Күннің нұры қолыңнан аузыңа барды, жақсыны ғана айту үшін. Аузыңнан күннің нұры құлағыңа барды, тек жақсыны сөз есту үшін. Күннің нұры құлағыңа барды, тек жақсыны көру үшін. Сенің бүкіл тұла бойың сүйіспеншілік нұрына бөленді. Сен осы сүйіспеншіліктеріңді досыңа жібер. Ата - анаңа жібер.Сен сол сүйіспеншілік нұрын туған-туыстарыңа жібер.Барлық мектептегі таныстарыңа жібер.Айналаң сүйіспеншілік нұрына бөленіп тұр. Біздің бөлмеде нұрға бөленіп сүйіспеншілікке толды. Көзімізді ептеп ашайық.

1. Үйге тапсырманы тексеру

1. №11 – сабақ. «Біздің отбасымыздағы адамгершілік құндылықтар» тақырыбында үлкендермен бірге шағын әңгіме жазу.

2. Келесі сабақ. №12, Ыбырай Алтынсариннің «Аурудан аяған күштірек» әңгімесін оқып келу.

Сұрақтар:

1. Сейіт неліктен ауруды сезінбеді?2. Әңгіме неліктен «Аурудан аяған күштірек» деп аталады?3. Сейіттің бойында қандай құндылықтар менқасиеттер бар?4. Өздерің жақындарыңды қиналтып, уайымдатпау үшін не істей аласыңдар? Не істеу керек депойлайсыңдар?

2. Сабақтың дәйексөзі.

(Оқушыларға 1 рет айтқызып, дәптерге жаздырту)

Өзгеге жасаған ізетің - өзіңе жасаған құрметің.

Халық даналығы

Сұрақтар:

1. Өзіңді, өзгені құрметей білесің бе?

2. Өзара сыйластыққа қалай жетуге болады?

3. Дәйексөзден қандай ой түйдіңдер?

3. Оқиға айту (Мұғалім сыйы).

Тату ағайындылар

Өте ертеде бір патшалықта екі ағайынды өмір сүріпті. Екеуінің үйі таудың екі жағындаболса да, олар бір - біріне көмектесіп, тату-тәтті өмір сүреді.

Бір күніағайындылар егінді жинап алып, теңдей бөліп алады. Сол күні түнде үлкен ағасы ойлайды: «Біз егінді бірдей етіп бөліп алдық, бұл дұрыс…