Адам жауапкершілігі тақырыбындағы 7-сынып сабақ жоспары

Өзiн-өзi тану сабағының жоспары

Мектеп: Р.Тоқатаев атындағы орта мектеп

Мерзiмі: 26.11.2019

Тақырыбы: “Адам жауапкершілігі”

Құндылық: Дұрыс әрекет

Қасиеттер: Жауапкершілік, риясыз сүіспеншілік, адалдық.

Мұғалім: Масимжан Сандуғаш Қанатқызы

Сынып: 7 «Б»

Оқушылар саны: 25

Мақсаты: Оқушыларға адамдардың жауапкершілігі туралы түсінік бере отырып, дұрыс әрекет құндылығының мәнін ашу.

Міндеттері:

жауапкершілік ұғымын ар-ұят пен ұқыптылық қасиетімен байланыстыра отырып түсіндіру.

ұқыптылық, тәртіптілік қасиеттерін дамыту.

өмірге, іс-әрекетке ар-ұятпен, аса ұқыптылықпен қарауға тәрбиелеу.

Ресурстар: (құралдар, мәлiметтер күнделік, дәптер, оқулық.

Сабақ барысы:

Ұйымдастыру кезеңi.

5 Т – ережесі:

Тәртіп.

Талап.

Тыныштық.

Тазалық.

Татулық.

Балалар ережені есімізге түсіріп, сыныптың тәртібін сақтап, оқып-білуге талаптанып, тыныштықты орнатып, тазалықты сақтап, бүгінгі күнімізді татулықпен өткізейік.

Тыныштық сәтi. Ойша су асты патшалығына саяхат жасау. (Оқушыларды түзу отырып, қолдарын тізесіне қойсын, аяқты айқастыруға болмайды. Жайлы, баяу музыканы қою).

Мұғалім: Көздеріңді жұмып, бірнеше рет демалып, дем шығарыңыздар. Денені бос ұстаңдар. Біз теңіз жалауында жүрміз деп ойлаңыз. Теңіз толқындары мен шағалалардың баяу дауыстарын естіп тұрсыз ба? Жалаң аяқ астында жұп-жұмсақ құмды сезесіз бе, теңіз үстінде алыстан бір қара нүктені байқадыңыз, ол не екен? ... ол дельфин, дельфин жүзіп сізді теңіз түбіне саяхатқа алып бару үшін келіп тұр. Жайлар оның арқасына отырып алыңыз да саяхатқа шығыңыз. Теңіз түбіне сүңгіп кеткен дельфин досыңыз сізге бар ыңғайды жасап келеді. Мөп- мөлдір суастында сіз өмірі көрмеген түрлі- түсті өсімдіктер мен балқтың бірнеше түріне тап болдыңыз. Алдыңызда үлкен балықтар өтіп жатыр, ал анау алыстағы Сегіз аяқ болады. Керемет, неткен тыныштық пен сұлулық десеңізші... Кәдімгі көк экрандағыдай көрініс. Осы жағдайда сәл бола тұрыңыз. (мұғалім бірнеше секунд үнсіз тұрады). Ал енді жоғарыдағы өз әлемімізге қайту үшін дайындалыңыздар. Жан- жағыңызға мұқият қарап алыңыз. Неткен тыныштық, неткен сұлулық, осы тыныштықтың сізге қалай әсер ететіндігін есте сақтаңыз. Дельфин жер бетіне қайтпақшы, сіз жағалауға келдіңіз. Дельфиннен түсіп, оны маңдайынан сипап, саяхат үшін оған ризашылығыңызды білдіріңіз. Бөлмеге келіп, өз ор

Үй тапсырмасын тексеру.

«Нағыз ұстаз» аңызын оқып келу.

Ұстаздың бойынан қандай жауапкершілікті байқадыңдар?

Неліктен дәрігерлердің ескертулеріне құлақ салмаған бала ұстаздың кеңесін үлкен сеніммен қабылдады?

Анасы неліктен ұстазды бірден түсіне алмады?

Өзің орындай алмағаныңды неліктен өзгеге орындауға ешқашан кеңес бермеу керек?

Адам өз ісі, ойы мен сөзіне жауапкершілік алғанда, оның өмірі қандай болады деп ойлайсыңдар?

Ескертулер

Дәйексөз.

Жауапкершілікті сезінуден жан атаулы биіктейді.

(Стафан Цвейг)

Сабағымыздың дәйексөзі туралы өз ойларыңызды түсіндіріңіздер, дәптерлеріңізге жазып алыңыздар.

Әңгiмелеу.

(Мұғалім сыйы)

«Жауапкершілік жолы»

Ерте ерте ертеде ақшасы мен дәулетінің көптігіне қарамай өмірінен түңеліп, өмір сүруден жалыққан бір ханзада болған екен. Достары, іні-бауырлары аңшылыққа шығып, қыдырып-тозып жүргенде жаңағы ханзада бөлмесінен шықпай ешнәрсеге қызықпайтын болады. Баласының мұндай жағдайын көрген әкесінің жүрегі ауырады.

Бір күні хан сол елдің ең білімді ғұламасын шақырып, жағдайды түсіндіріп баласының дертіне бір дауа табуын бұйырады. Ойлануға бар жоғы бір апта беріледі. Осы уақыт ішінде ешқандай шешім табылмайтын болса, ғұламаның өміріне қиянат жасалынатынын ескертеді.