Адамгершілік философиясы мен этикаға арналған ашық сабақ

Адамгершілік философиясы және этика: ашық дәріс пен семинар сәтті өтті.

Әл- Фараби атындағы Қазақ Ұлттық университетінде 2025 жылдың 19 мен 26 наурызында «Кадастр» тобының студенттері үшін «Адамгершілік философиясы. Этика» тақырыбында ашық дәріс және семинар сабағы өтті. Іс-шара студенттердің адамгершілік құндылықтар мен этикалық қағидаттар туралы терең білім алуына, сыни ойлау қабілеттерін дамытуына және тәжірибелік дағдыларын жетілдіруіне бағытталды.

Дәрісті философия ғылымдарының докторы, профессор Нұрышева Г.Ж. ғылыми жетекшілігімен және философия ғылымдарының кандидаты, доцент Амиркулова Ж. А. тәжірибе жетекшілігімен философия мамандығының 1-курс магистранты Канаева Д.Е. жүргізді.

Сабақ барысында атқарылған жұмыстар:

Ашық дәріс:

-Этика мен адамгершілік философиясының негізгі ұғымдары қарастырылды.

-Әлемдік және ұлттық философиялық ойлар тұрғысынан адамгершілік мәселелері талқыланды.

-Қазіргі қоғамдағы этикалық нормалардың рөлі туралы түсінік берілді.

Семинар:

-Студенттер адамгершілік пен моральдық құндылықтарға қатысты нақты мысалдар арқылы өз көзқарастарын білдірді.

-Этикаға байланысты түрлі жағдаяттық тапсырмалар мен пікірталастар ұйымдастырылды.

-Қатысушылар адамгершілік мәселелеріне қатысты шешім қабылдау қабілеттерін шыңдады.

Сабақ интерактивті және танымдық форматта өтті, студенттер өз ойларын ашық жеткізіп, пікір алмасу алаңына айналды. Мұндай іс-шаралар болашақ мамандардың кәсіби және тұлғалық дамуына зор ықпал етеді.

Адамгершілік пен этика – қоғамның негізі. Сол себепті, студенттердің осы бағыттағы білімін арттыру – маңызды міндеттердің бірі. Алдағы уақытта да осындай танымдық шаралар жалғасатын болады.

Канаева Д.Е.

Философия мамандығы