Адамгершілік ордасы отбасы туралы ата-аналар семинары

Мектеп №4 ОМ Сынып 1-11

Мерзімі __ Ата-аналар саны 22

Мұғалім Ж.А.Аждарова

Ата-аналар жиналысының тақырыбы :Адамгершілк ордасы -Отбасы

Мақсаты: Қазіргі кезде баланың дамуына, жеке тұлға болып қалыптасуына ата-ана тәрбиесінің балаларға деген сүйіспеншіліктері мен құрметтерін нығайта отырып, дұрыс әрекетті қарым-қатынас орнату.

Міндеттері:

1.Білімділік. Бірлесе отырып, отбасындағы мейірімділікті, сыйластықтың өмірлік мәнін түсіндіру;

2.Дамытушылық. Дұрыс ойлап, әр іске жауапкершілікпен қарау дағдыларын дамыту, қарым-қатынасты нығайту;

3.Тәрбиелік. Балаларымызды сыйластыққа, ізеттілікке тәрбиелеу.

Ресурстары: (материалдары, көздері)

Плакат, маркер, интерактивті тақта, слайдттар

Алдын ала жұмыс: Анкета тарату

1.Тыныштық сәті: Нұрға бөлеу.

Ыңғайланып отырыңыздар, денелеріңізді түзу ұстаңыздар. Аяқ - қолыңызды айқастырмаңыз. Қолыңызды тізеңізге немесе үстелге қоюға болады. Көздеріңізді жұмуларыңызды өтінемін.Елестетіп көріңіз: Күн нұры сіздің төбеңізден өтіп, кеудеңізге қарай бойлап барады. Кеудеңіздің орта тұсында гул түйнегі орналасқан. Гүлдің түйнегі нұрдан баяу ашылып келеді. Балғын және таза әсем гүл сіздің әр ойыңызды, әр сезіміңізді, эмоцияңыз бен тілек - қалауыңызды шайып, жүрегіңіздің қауызын ашты. Нұр сәулесі сіздің бойыңызға ақырын тарай бастағанын елестетіңіз. Ол біртіндеп күшейе түседі. Оймен осы нұрды қолдарыңызға түсіріңіз. Сіздің қолдарыңыз нұрға бөленіп, сәуле шашуда. Қолымыз тек жақсы, ізгі істер істейді және баршаға көмектеседі. Нұр аяқтарыңызға тарады. Аяқтарыңыз нұр сәулесін шашуда. Олар сізді тек жақсылық жасау үшін жақсы жерлерге апарады. олар нұр мен махаббат құралына айналды. Одан әрі нұр сіздің аузыңызға, тіліңізге тарады. Тіліңіз тек шындықты және жақсы, ізгі сөздер ғана айтады. Нұрды құлақтарыңызға бағыттаңыз, құлақтарыңыз тек жақсы сөз бен әсем әуенді ғана естиді. Нұр көздерімізге де жетті, көзіміз тек жақсыға қарап, бәрінен жақсылықты ғана көреді. Сіздің басының түгелдей нұрға бөленіп, ба

Сұрақ:

1.Ішкі тыныштыққа келе алдыңыздар ма?

2.Қандай әсерде болдыңыздар?

Қорытынды: Олай болса, осы нұрды жүректеріңде орналастырып, тыныштық қалпымызды сақтайық.

2.Кіріспе: «Жалпыадамзаттық құндылықтарға, өзініңбастауыңа қайта оралуың керек. Қазіргі білім беру жүйесіндегі шектен тыс

талаптарды емес, өмір әдебін қайта жаңғырту керек. Халық ерте заманнан осы құндылықтарды біліп, осы құндылықтармен өмір сүріп, руханилылықтың кәусарымен сусындап келді. Бірақ, кейінгі онжылдықтағы өмірдің аласапыран ағымында адам өзінің бастауын ұмыт қалдырды. Оған апарар жолды іздеу әр адамның міндеті

екендігіне мен сенімдімін» Сара Алпысқызы

- Ұрпақтарымызды руханилылықтың кәусарымен сусындату отбасынан алынатындығы шүбәсіз. Заманауй психолгтардың зерттеулері көрсеткенідей 10 пайызын ғана ауызша, 90 пайызын іс-әрекет, ойлау, салауатты өмір салтын ұстанумен бала бойына сіңіреді екен.

Сұрақ

1. Бала тәрбиені қайдан алуы тиіс?

Түйін

Адамның жақсы болуы тегінде емес, тәрбиесінде ақылында, өнер білімінде. адамға үш алуан адамнан мінезі жұғады: ата-анадан, ұстазынан, құрбысынан. әсіресе, олардың қайсысын жақын көрсе, содан жұғады.

Абай

3. Тұлғаның адамгершілік қасиеттерінінің көріну деңгейі оның рухани деңгейін білдіреді. Адам ойы, сөзі, ісімен ішкі үйлесімділікке жетуі үшін ұстанған жалпыадамзаттық құндылықтар.

Егер осы құндылықтарды ағашқа теңеп көрсек, ағаштың тамыры – мәңгілік құндылықтар, оны ақиқатқа теңейміз. Ағашқа құятын суды, сүйіспеншілік деп алайық. Егер мәңгілік құндылықтарды, ақиқатты,сүйіспеншілікпен түсінсек, суарсақ, әрқашан әрекетіміз дұрыс болады.Яғни, ағаштың діңі түзу өседі. Әрекетіміз дұрыс болса, ішімізде тыныштық орнайды. Яғни, ағаш бүршік жарады. Ішімізде тыныштық орнаса, біз ешқашан қиянат жасамаймыз, тіпті ойламаймыз да.…