Адамгершілік шуағы сөнбесін 8 сынып дөңгелек үстелі

Тақырыбы: «Адамгершілік шуағы сөнбесін» (дөңгелек үстел) Мақсаты: Оқушылардың бойына рухани адамгершілік қасиеттерді, жақсы-жаманды білуге, адамдық асыл қасиеттерді игертуге ықпал ету.

Көрнекілігі: нақыл сөздер, күннің, бұлттардың, кемпірқосақтың суреті, түрлі түсті галстуктер, қоқыс жәшік.

Нақыл сөздер: «Адамның адамшылдығы ақыл, ғылым, жақсы ата, жақсы ана, құрбы. Жақсы ұстаздан болады», «Алдыңа келсе, әділдігіңді аяма, Аймағың кетпес алдыңнан».

Кіріспе. Өмірде жаман адам туылмайды. Егер нәпсісі рухынан жоғары, үстем болса, ондай адам бойынан жақсы іс-әрекеттерді табу қиын. Ал жақсы қасиеттер, яғни шыншыл, мейірімді, кешірімді, еңбекшіл, ақылы мол адамда болады. Осының барлығы рухтан туындайды. Рух дегеніміз не? Рух дегеніміз – адам бойындағы бір күшті қуат, сезім.т.б. Күн адамның рухы болса, күннің сәулесін ақыл деп алайық.

Мына күнге қарайықшы. Осы жарық күнді біз мейірман шуағын төгетін құдіретті анаға теңейік. Бірақ күніміздің бетін жартылай бұлт басып тұр, яғни бұл ана жүрегіндегі көлеңке сезім.

О, қош келдіңіз, күн көктегі!

Арманым болар көп тегі.

Күннің сөзі: Күннің бетіндегі бұлттарды ашып, ана көңілін сергітуіміз керек. Сондықтан күннің өзінен сұрайықшы.

Күн: Мені көңілімді сергіткілерің келсе мені бұлттан құтқарыңдар.

Оқушылар шығып күн үстіндегі бұлттарды суырып, артындағы «Адамгершілік шуағы сөнбесін» тақырыбындағы жағдаяттарды талдайды.

Мінекей, күніміз жарқырап шыға келді. Енді ашылған бұлттың соңындағы әсем кемпірқосаққа қарайық. Кемпірқосақтың жеті түстен тұратынын бәрің де білесіңдер, сол әр түстің өзіндік ерекшеліктері бар екен, соған кезек берейік:

Бұл жерде жеті түрлі галстук тағып тұрған оқушылар кемпірқосақтың түстерінің ерекшеліктерін айтып береді.

Қызыл түс: Әр күндерін ойлаумен бастап, ойлаумен аяқтайды. Яғни бұл адамдар көп армандап қиялға беріліп кетеді.

Көк түс: Өтірік айтуды білмейтін, тек шындықпен жүретін адамдар.

Сары түс: Бұл адамдар ұйықтар алдында бүгін қанша адамды қуантқанын, жұбатқанын, қанша адамды күлдіргенін, ренжіткенін естеріне алып, жасаған іс-әрекеттерінің барлығына талдау жасап, қатесін мойындап отырады екен.

Қызғылт сары: Әнді жиірек тыңдағанды және ол адамдар жанын жадырататын күндерді аңсайды екен.

Көгілдір: Басқалардың қажетіне қарай білуге талпынады. Ол адамдардың бойында ізденіс, еңбекшіл, ақылдары мол болады.