Адамның жүйке жүйесі туралы ашық сабақ, 4-сынып

Пән: Жаратылыстану

Мектеп:Қ.Сәтбаев атындағы №48 ЖОМ кмм

Күні:13.11.18ж

Мұғалімнің аты-жөні:Досмайлова Жанар

Сынып: 4 «А»

Қатысқандар саны:22

Қатыспағандар саны:22

Бөлім

3-бөлім. Адам

Сабақтың

тақырыбы

Жүйке жүйесінің маңызы

Осы сабақта қол жеткізілетін оқу мақсаттары

4.2.3.2 Жүйке жүйесі мен оның адам ағзасындағы рөлін сипаттау

Сабақтың мақсаты

Барлық оқушылар: сезім мүшелерінің қызметін сипаттайды және оның адам ағзасындағы рөлін анықтайды. Денсаулықты сақтау туралы түсініктері кеңейеді.

Көпшілігі: Жүйке жүйесі мен оның адам ағзасындағы рөлін сипаттай алады.

Кейбір оқушылар: сезім мүшелерінің гигиенасы мен оларды сақтаудың маңыздылығы туралы әңгімелейді,ереже шығара алады.

Бағалау критерийлері

Білім алушы

-жүйке жүйесінің ағзаларын атайды;

-сезім мүшелерінің қызметін сипаттайды;

- Сезім мүшелерінің гигиенасы мен оларды сақтау туралы әңгімелейді,ереже шығара алады.

Тілдік мақсаттар

Пәндік лексика және терминология: Жүйке жүйесі, жүйке, ми,жұлын, сезім мүшелері, күн тәртібі, жүйке жүйесінің гигиенасы.

Диалог/жазуға арналған пайдалы тіркестер

Талқылау сұрақтары:

-Жүйке жүйесі қандай рөл атқарады?

-Күн тәртібін сақтау жүйке жүйесін қорғауға қалай көмектеседі?

Құндылықтарға баулу

Тапсырмаларды орындау барысында топтық, жұптық жұмыстарында бір-біріне деген сыйластық, құрмет, өмір бойы білім алу құндылықтарын дарыту.

Пәнаралық

байланыстар

Биология

Алдыңғы білім

Жүйке жүйесін қандай мүшелер құрайды?

Жоспар

Уақыт

Жоспарланған жұмыс түрлері

Ресурстар

Сабақтың басы

5 минут

(Ұ) Аффирмация( 1 минут)

-Мен өзіме сенемін,табыстарға жететіндігіме сенемін.

Өткен сабақты пысықтау.(4минут)

«Серпілген сауал» әдісі бойынша оқушылар сұрақ қояды,келесі топ оқушылары сұрақтарға жауап береді.

Сабақтың ортасы

2 минут

(Ұ) Ой қозғау.

- Иісті қалай сезесің?

-Иісті дұрыс сезе алмайтын кездерің бола ма?

-Тері арқылы нені сезесің? (Оқушы жауаптарын тыңдау)

Жаңа сабақ тақырыбы және мақсаттарымен таныстыру.

4.2.3.2 Жүйке жүйесі мен оның адам ағзасындағы рөлін сипаттау

№1 слайд

2 минут

3 минут

2 минут

3 минут

7 минут

6 минут

3 минут

2 минут

(МК) Мұғалім түсіндірмесі:Адам айналасындағы түрлі құбылыстарды сезім мүшелері арқылы қабылдайды. Сезім мүшелерінің бес түрі бар: көру, есту, дәм және иіс сезу, сипап сезу немесе түйсіну. Адам қоршаған ортада болып жатқан оқиғалардың 90%-ын көз арқылы қабылдайды. Көз арқылы болып жатқан құбылыстармен қатар жарық пен қараңғыны, түрлі түстерді ажыратады. Есту мүшесі арқылы қоршаған ортадан әртүрлі дыбыстарды естиді. Естіген дыбыстарды түсініп, соған сәйкес жауап беріп, қарым-қатынас жасайды. Құлаққа жағымды және жағымсыз дыбыстарды ажыратады. Иіс сезу мүшесі арқылы ауадағы жағымсыз иістерді, зиянды газдарды сезіп, олардан сақтанады. Дәм сезу мүшесі арқылы тәттіні, қышқылды, ащыны және тұзды тағамдарды ажыратады. Сипап сезу немесе түйсіну арқылы заттың пішінін, қатты мен жұмсақты, ыстық пен суықты және ауырғанды сезініп, сақтанады.

Бұл үдеріс өте жылдам жүреді, яғни жүйкелер арқылы жұлынға және миға жетіп, ми келген ақпаратты өңдеп, жұлынға, жұлын жүйкелерге жеткізеді. Жүйкелерден мүшелерге таралады да, адам адам іс-әрекет арқылы тиісті қимылдар жасап сақтанады.

(Ұ) «Сезім мүшелері» бейнематериалды көрсету (ұжымда) Оқушыларға «Сезім мүшелері» тақырыбында бейнефильм көрсету.

Сыныппен талқылау:

Сезім мүшелеріне нелер жатады?

Терінің қызметі қандай?

Тағамның дәмін қандай мүше арқылы сезінеміз?

(Ұ) Мәтінмен танысу.

Оқулықта берілген мәтінмен танысып шығады.

(ТЖ) «Сезім мүшелерінің қызметін» зерттеу.

Тапсырма. «Сезім мүшелері қалай жұмыс істейді?» деген сұраққа зерттеу жұмыстарын жүргіземіз.Берілген заттарды пайдалана отырып зерттеу жұмыстарын жүргіземіз және нәтижесін кестеге толтырамыз.

Тапсырманы орындау барысы. Оқушылар сезім мүшелерінің жұмысы мен жүйке жүйесінің байланысын анықтау үшін зерттеу жұмысын жүргізеді және нәтижесін кестеге түсіреді.

Саралау тапсырмасы: деңгейі жоғары оқушыларға саралау тапсырмасы ретінде түрлі материалды қолданып, сезім мүшелерінің қызметін зерттеп, сезім мүшелерінің гигиенасы мен оларды сақтау туралы ереже құрастырады және әңгімелейді.

Бағалау критерийі

1.Топ болып сезім мүшелерінің қызметін талдайды;

2. Сезім мүшелерінің қызметін анықтайды;

3.Басқа топтардың нәтижелерімен салыстырады.

Топ жұмыстарын жариялау (тексеру). Топтық жұмысты қорғау,басқа топтардың нәтижелерімен салыстыру, дескриптор бойынша бағалау . Әр топтан бір оқушы өз ойларын сыныпқа жеткізеді.

Қалыптастырушы бағалау. Бақылау, кері байланыс, мадақтау.

Рефлексия. Сұрақтарға жауап беріңіздер:

Бұл тапсырмадан не үйрендік?

Орындаған жұмыстың нәтижесі қандай?

Табысты жеріміз қай жер болды?

Тапсырма №3

(ӨЖ) Дұрыс – дұрыс емес. Кестедегі пікірлерді оқып, дұрыс немесе дұрыс емес екенін анықтап, бос ұяшықтарға белгісін қояды.

Жауабы

Дұрыс пікірлер:

Сабаққа дайындалғанда әрбір 40 минуттан соң 5 минуттық үзіліс жасау

Мектептен келген соң бірден үй тапсырмасын орындамай, біраз тынығып алу.

Сабаққа дайындалып болған соң таза ауада серуендеу.

Ой еңбегі мен дене еңбегін алмастырып отыру.