Адамзаттың бәрін сүй, 3-сынып тәрбие сағаты

«№19 жалпы орта білім беретін мектеп» КММ

ТӘРБИЕ САҒАТЫ

3 «Д сыныбы»

Өткізген: Ерденбекова Ж.Г.

Тексерген: Жамалбаева Ж.Т.

Семей қаласы

Сабақтың тақырыбы: «Адамзаттың бәрін сүй «бауырым» деп...»

Сабақтың мақсаты:

«толеранттылық» түсінігін ұлттық дүниетаным тұрғысынан талдау және оның негізгі белгілерінтаныта отырып, оқушылардың бір-біріне деген сыйластық, өзгені өзіндей қабылдауға, өзге ұлттардың салт-дәстүрлерін сыйлаудың маңызына мән беруге баулу; «Толеранттытұлға» моделін құру, сондай-ақ «Толерантты Қазақстан» моделін құру;сыныптағы оқушылардың бір-бірімен толерантты қарым-қатынасын қалыптастыру.Сабақтың құралдары:суреттер, слайд, ой қозғау тапсырмалары,қосымша көрнекіліктер.

Сабақтың жоспары:

І.Ұйымдастыру бөлімі «Ой шақыру»

ІІ.«Толеранттылық–ұлттық құндылық» толеранттылық түсінігін қалыптастыру ІІІ. «Ой қозғау»

Абай өлеңдеріне сүйене отырып адами қасиеттер туралы әңгімелеу

«Толерантты тұлға» және «Толерантты Қазақстан» моделін құру.

ІҮ. Қорытынды бөлім

Сабақтың барысы:

І.Ұйымдастыру. Оқушылар хормен қимыл көрсетіп жасайды.

Ортақ мекен жер шары,

Төбемізде бір аспан.

Барлық ұлттың баласы,

Достығымыз жарасқан.

«Ой шақыру» (Отанға байланысты сұрақ-жауап)

Балалар, біздің Отанымыз қай ел? - Отаным – Қазақстан.

Отандарың туралы не айта аласыңдар? Оқушылар білгендерін айтады.

Қазақстан қандай мемлекет? -Тәуелсіз,егеменді,көп ұлтты

Қазақстанда қандай ұлттар бар? -Қазақ,қырғыз,орыс,неміс,татар т.б

Туысқан ел

Ж.Жабаев

Енді бүгін қарасам

Айналам бақыт кең жатыр.

Бірімен –бірі туысқан,

Қол ұстасқан ел жатыр.

Қырғыз,қазақ,өзбектер,

Моңғол,ұйғыр,дүнгендер,

Армян,тәжік,грузин,

Орыс пенен украин

Терезесі тең жатыр.

Алатау,Кавказ ұласып,

Баурайы бұйрат кең жатыр.

Бақыттың әні асқақтап,

Құлаққа даусы кеп жатыр

Олар бір-бірімен қандай қарым-қатынаста өмір сүреді? Жауап береді.

Хормен ән салу «Біз өмірдің гүліміз»

ІІ.«Толеранттылық – ұлттық құндылық» толеранттылық түсінігін қалыптастыру.

Олай болса,балалар,бүгін біз сендермен «толеранттылық» тақырыбында әңгімелесеміз. Осы тақырыпқа орай тәрбие сағатымызды Ұлы Абайдың сөзімен

«Адамзаттың бәрін сүй «бауырым» деп...»

деп атап отырмыз.

Ең алдымен «толеранттылық» деген не, соған тоқталып өтейік.Сендер қалай ойлайсыңдар? Өз ойларыңды айтыңдар. (оқушылар өз ойларын айтады)

Толеранттылық (лат. tolerantia — төзімділік, көнбістік) — басқа ойға, көзқарасқа, наным-сенімге, іс-әрекетке, әдет-ғұрыпқа, сезім-күйге, идеяларға төзімділік, жұмсақтық көрсете білу қасиеті. Шыдамдылық , өзге көзқарас -тарға , мінез -құлықтарға, әдеттерге төзімділік таныту, қолайсыз әсерлердің ықпалын бастан өткізе алушылық деген мағынаны білдіреді.Француз тілінде - басқаға оң қарым-қатынас Орыс тілінде -төзімділік, шыдамдылық.Араб тілін- де -сабырлылық, шыдамдылылық, рақымшылдық.Қытай тілінде -өзгелермен көркем қарым –қатынас.Ағылшын тілінде –шыдамды деген мағыналарды білді- реді.

Иә, барша адамзаттың нәсіліне, ұлтына , ұстанатын дініне қарамастан жақсы көріп, түсіністікпен қарап, өзіңдей қабылдау қасиетін бір сөзбен «толеранттылық» дейміз.

Толеранттылық – бұл қайырымдылық.Толеранттылық – бұл аяушылық таныту.Толеранттылық – бұл құрметтей білу.Толеранттылық – бұл мейірімділік танытуТолеранттылық – бұл шыдамдылық.Толеранттылық – бұл достықБұл - келісім мен ынтымақтастыққа апаратын жол.

16 қарашада әлемнің көптеген елдері Халықаралық толеранттылық немесе төзімділік күнін атап өтеді. Бұл 1996 жылы БҰҰ-ның Бас Ассамблеясының шешімі- мен бекітілген. Қазақстандағы толеранттылық ата-бабамыздан, дәстүрімізден келе жатқан құбылыс. Біз басқа ұлттарды, этномәдениетті жатсынбайтын ашық этнос ретінде қалыптастық. Бұл қазақ халқының ұлттық менталитетінен көрініс табады. ІІІ. «Ой қозғау»

Абай өлеңдеріне сүйене отырып адами қасиеттер туралы әңгімелеу