Әдепті бала – арлы бала тәрбие сағаты, 1-сынып

Тәрбие сағатының тақырыбы: Әдепті бала- арлы бала

Тәрбие сағатының мақсаты: Балаларды кішіпейілділікке, үлкендерді сыйлауға, көмектесуге үйрету, жақсы қасиеттерді бойына сіңіріп, жаман қасиеттерден жирену сезімін дамыту. Адам бойындағы ұнамды, ұнамсыз қылықтарды айыра отырып әдеп әліппесін бойына дарыту, тіл байлығын, таным белсенділігін арттыру. Оқушыларды әдептілікке, сыпайылыққа тәрбиелеу.

Сабақтың көрнекілігі: Мақал-мәтелдер, нақыл сөздер жазылған плакаттар, тірек сызбалар

Сабақтың барысы:

Ұйымдастыру кезеңі

Үлкенге де «сіз»,

Кішіге де «сіз»

Сәлем бердік сіздерге

Құрметпенен біз!

Бүгінгі тәрбие сағатымыз әдептілік тақырыбында өтеді.

Әдептілік- адамдардың өзара жақсы қарым-қатынасының, жүріс- тұрысының ережесі. Осы әдептілік ережесін сақтау керек. Бүгінгі заман адамы сегіз қырлы, бір сырлы болып өсуі керек.

«Әсемпаз болма әрнеге,

Өнерпаз болсаң арқалан.

Сен де бір кірпіш дүниеге

Кетігін тап та бар қалан» - деп, Абай атамыз айтқандай кішіге мейрімді, досына қайырымды, еңбексүйгіш, шыншыл да қамқор болсаң өсе келе ата- анаңның, Отаныңның мақтанышы боласың.

Адам болатын бала барлық жақсы қасиеттерді үйреніп, жаман мінез, жаман әдеттерден аулақ болуға тырысуы керек. Ендеше әдепті, ақылды балалардың қандай болуы керек екенін мына өлеңдерден тыңдайық.

Шалқыма:

Ата- ананың тілегі - адам болып өскенің,

Адамдықтың тірегі – адал болып өскенің.

Әдептілік дегенің - әрқашанда керегің,

Әсемпаздық дегенің - әуре сарсаң әлегің.

Данагүл:

Тәртіпті бала сүйеніш,

Төбең бір көкке жетеді.

Ұрыншақ бала жанында,

Ұрыс пен керіс айқай шу.

Ұстамды бала маңынан,

Ұнамды қылық байқайсың.

Нұрайна:

Кім үлкенді сыйласа,

Кім үлкенді тыңдаса

Үлкен болған кезінде

Сыйлы болмақ өзі де.

Назерке:

Сыйла үлкен кісіні

Қамқорлыққа ал кішіні.

Сақтап көше тәртібін,

Бағдаршамның ал тілін.

Әдет қыл бұл ісіңді,

Тазалап жүр тісіңді.

Нұргүл:

Қарсы ал ерте күн көзін,

Төсегіңді жина өзің.

Асықпай іш тамақты,

Жалама аяқ-табақты.

Ділназ:

Пышақты ұста оң қолмен

Шанышқыны сол қолмен.

Нанды үгітпе, қадірле,

Қабығымен бәрін же.

Саусағыңды сормағын

Салдыр салақ болмағын.

Камила:

Сыйлап сәлем беремін

Көршілерді көргенде.

Ізетпен бас иемін,

Үйге қонақ келгенде.

Әдепсіз деп сөкпесін,

Анама айтып өкпесін.

Айкөркем:

Атам маған қашан да,

Кішіпейіл бол деген.

Ата сөзі санамда,

Мақтанбауды жөн көрем.

Елдос:

Өзгелерден өзімді,

Санамаймын жоғары.

Артық айтып сөзімді,

Желпінгенім жоқ әлі.

Ахмет:

Атам маған қашан да,

Әділетті бол деген.

Ата сөзі санамда,

Жүрем тура жолменен.

Аяжан:

Қалдыратын ұятқа,

Жалған сөзге төзбеймін.

Жеткізетін мұратқа,

Тек шындықты көздеймін.

Шалқыма:

Ізетті бала

Ерлан қандай елгезек,

Берді ағайға жол кезек:

-Ағай ғафу етіңіз!

Алға қарай өтіңіз.

- Оқасы жоқ, ұланым,

Ізетіңмен ұнадың.

Деп ағай да Ерланды

Жақсы көріп нұрланды.

Ән: «Не деу керек?»

«Жалғастыр» ойыны: