Әдептілік әдемілік тақырыбындағы сабақ жоспары

Тақырыбы: Әдептілік – әдемілік. Мақсаты: Балалардың бойына жақсы әдеттерді сіңіріп, жат қылықтардан аулақ болуға үйрету. Адам бойындағы ұнамды, ұнамсыз қылықтарды ажырата отырып, әдеп әліппесін дарыту. «Әдеп», «әдептілік» туралы түсініктерін кеңейту. Тәрбиелік: Үлкенді сыйлауға, инабаттылыққа, мейірімділікке тәрбиелеу. Құндылығы: дұрыс әрекет

Қасиеттері: үлкендерге деген құрмет, денсаулық және тазалықты сақтау

Көрнекілігі: мақал – мәтелдер, құпия хаттар, көрініс көрсету. Барысы: 1. Ұйымдастыру. 2. Көрініс көрсету. 3. Кіріспе. Әдептілік – әдемілік туралы түсінік беру. Халқымыз өз ұрпағын: Әдептілік ар – ұят, Адамдықтың белгісі. Тұрпайы мінез тағы жат, Надандықтың белгісі, - деген екен. Біздің ата – бабаларымыз өз ұрпағын әдепті, инабатты болуын қадағалаған. Әдеп деген сөзде үлкен мән жатыр. Әдептілік – адамдардың өзара жақсы қарым – қатынасының белгісі, жүріс – тұрысының ережесі болып табылады. Адам баласының бойында жақсы да, жаман да қасиеттер болады екен. Бізге ақылдылықты, парасаттылықты, қарапайым – кішіпейілділікті, инабаттылықты, шыншылдықты үлкендер үйретеді. Ол біздің ата – анамыз ақ сүтін бере отырып, ана тілімен үйретеді. Біз оны түсініп ата – баба, салт – әдеттерін үйренеміз. Адам болатын бала жақсы қасиеттерді үйреніп, ұнамсыз қылықтардан аулақ болуға тырысуы қажет. Олай болса кім маған әдептілік жайлы тақпақ айтып береді? Әдептілік туралы тақпақтар. Мақал мәтелдер.

- Сендер дастарқан басында әдептілікті сақтайсыңдар ма? Әдептіліктің қандай пайдасы болуы мүмкін? Жеке бас гигиенасынын сақтайсыңдар ма? Денсаулығымыздың мықты болуына қандай жағдай жасаймыз?

Сұрақ – жауап 1. Жарлы адам мен ғалымның кішіпейілділігі олардың қандай іс – әрекеті арқылы көрінеді? 2. Қандай ырым – тиым сөздер білесіңдер? Құпия хаттармен жұмыс Жағдаяттық сұрақтар Сұрақ – жауап Ойын «Жалғастыр» «Не істеуге болмайды?» - Үлкендердің алдынан (кесіп өтуге болмайды) - Кішкене баланы (жылатуға болмайды) - Құстарды (атуға болмайды) - Сабақтан (кешігуге болмайды) «Не істеу керек?» - Үлкен кісіні (сыйлау керек) - Үлкеннің тілін (алу керек) - Үлкендерге (сәлем беру керек) - Оқу құралдарды (таза ұстау керек)