Әдептілік, ар-ұят адамдықтың белгісі тәрбие сағаты

Тақырыбы: Әдептілік,ар-ұят-адамдықтың белгісі

Мақсаты: Оқушыларды адамгершілікке,әдептілікке,жаман әдеттен аулақ болуға,үлкенді сыйлауға,кішіге қамқор болуға тәрбиелеу.Ата-анаға мейірімді,Отанын сүюге, айнала қоршаған ортаға қамқор болуға үйрету.

Көрнекілігі: видеоролик,мақал-мәтелдер,суреттер

Сабақтың барысы:

1.Ұйымдастыру:-Оқушылар бүгінгі тәрбие сағатымызды Қазыбек бидің мына бір сөзімен бастағалы тұрмын.

Алтын ұя-Отан қымбат,

Құт-берекең –атаң қымбат

Аймалайтын-апаң қымбат,

Ұят пенен ар қымбат. – Осы бір ұлағатты сөзді естігенде бойымызға жерін,елін сүю,ата-анасын қадірлеу,ар-намыс,адамгершілік қасиеттерді бойымызға сіңіреміз. Олай болса бүгінгі тәрбие сағатымыздың тақырыбы «Әдептілік,ар-ұят-адамдықтың белгісі» деп аталады. Әдептілік деген сиқырлы сөзге қандай сөздерді кіргізуге болады.?

-Абай атамыз әдептілік,ар-ұят жайлы көптеген өлеңдер,өсиет сөздер жазды.Ол кейінгі ұрпаққа «Бес нәрседен қашық бол,бес нәрсеге асық бол» деп өсиет айтқан. «Адам болам десеңіз»

«бес қашық»істің нелер екенін тыңдайықшы.

Өтірік: Жаман нәрсе өтірік,

Алдап кету «иә» деп

Өсек айту көпіріп

Одан асқан қиямет.

Өсек: Айыратын қақ бөліп

Достарыңды сүйкімді

Маңайлатпа сақ болып

Өсек деген итіңді.

Мақтаншақ:Үшінші дерт мақтаншақ

Бас өнері- тілінде

Осы бастан сақтансаң

Қор болмайсың түбінде.

Жалқаулық:Төртіншісі жалқаулық

Ерінгеннен ертең деп

Еңбек етпей әр тәулік

Бос сенделер селтеңдеп.

Қызғаншақ: Досқа жауып жаланы

Жүрегіне ызғар сап

Жүретұғын баланы

Деп атайды қызғаншақ.

Келесі кезекте Ыбырай Алтынсариннің «Әке мен бала» әңгімесіне көрініс көрсетейік.

-Адам бойында жақсы,жаман қасиеттер болады екен.Міне осындағы адалдық,әдептілік,инабаттылық сияқты жақсы қасиеттерді ата-аналарымыз,мектептен ұстаздардан үйренеміз екен.Жақсы бала осы қасиеттерді үйреніп жаман әдеттерден ұнамсыз қылықтардан бойын аулақ ұстауға тырысады.

-Ал,енді ақылды ,әдепті балалар қандай болу керек екенін мына өлеңдерден тыңдайық.

Диана: Қарсы ал ерте күн көзін

Төсегіңдң жина өзің

Асықпай іш тамақты,

Жалама аяқ табақты.

Айару: Пышақты ұста оң қолмен

Шанышқыны сол қолмен

Нанды үгітпе қадірле

Қабығымен бәрін же.

Жанель: Саусағыңды сормағын

Салдыр-салақ болмағын

Салма аузыңа инені

Үзбе жұлқып түймені.

Еркебұлан: Ашуланбай долданып,

Жауап бергін ойланып

Құр бекерге қылтима

Болмашыға бұлтима.

Жансая: Іштарлыққа жол берме

Бақталастық білдірме

Мақсат қоймай алдыңа

Қыдырып құр қаңғырма.

Альбина: Сыйлап үлкен кісіні

Қамқорлыққа ал кішіні

Сақта көше тәртібін

Бағдаршамның ал тілін.

Әдет қыл бұл ісіңді

Тазалап жүр тісіңді.