Ағылшын тілі – заман қалауы тақырыбындағы оқушы жұмысы

Ағылшын тілі – заман қалауы.

«Білім біліктілікке жеткізер баспалдақ, ал

біліктілік сол білімді іске асыра білу дағдысы»

А.Байтұрсынов

Қазіргі заман талабына сай әр адам ағылшын тілін үйренуге талпынады. Себебі, ағылшын тілі – заманауи тілдің бірі. Елбасымыз Н.Ә.Назарбаев Қазақстан халықтары Ассамблеясының XII сессиясында сөйлеген сөзінде: «Біз алдағы уақытта осы алған бағытымыздан таймай, әлемдік биіктерді бағындыра беретін боламыз. Сондай биік белестің бірі – Қазақстанның дүние жүзіндегі бәсекеге қабілетті елу елдің қатарына кіруі. Ол мақсатқа жету үшін, ең алдымен, әрбір қазақстандық бәсекеге қабілетті болуы керек» деген болатын.

Егеменді еліміздің бүгінгі күні қарқынды даму саясатының негізінде қоғамымыздың барлық саласында түбегейлі өзгерістер енгізіп жатыр. Соның ішінде болашақ ұрпаққа әлемді негіздегі сапалы білім беру мақсатына орай Қазақстан Республикасының білім беру жүйесіне жаңаша көзқараспен қарау міндет болып табылады. Тіл мәселесін сөзге тиек ете отырып, Н.Ә.Назарбаев қазақстандықтардың жаңа ұрпағы ең кем дегенде үш тілді қазақ, орыс, ағылшын тілдерін еркін білуге тиіс екендігін айтқан болатын. Тіл ұлттық мәдениеттің белгісі, оның қайнар көзінің кілті. Тілді тек қарым қатынас құралы ретінде қарау бір жақты ғана құбылыс. Тіл, сонымен қатар, ұлттық ойдың, ұлттық сананың көрсеткіші екені мәлім. Ағылшын тілін білу қазіргі таңда өмір талабы болып есептеледі.

Егер ұстаз оқушыға білім бергенде ешқандай мақсатқа жете алмаса, оқушылардың шетел тіліне деген ықыласын көрсетпесе, онда оқыту процессі ешқандац нәтиже бермейді. Қорыта айтқанда, шет тілін оқытудың аса мәні зор болуы үшін мұғалімге дұрыс әрекет жасау керек. Сондықтан әр ұстаз үшін ағылшын тілі сабағында оқу процесін ұйымдастыру көп біліктілікті, дұрыс дағдыларды қолдану қажет етеді. Бұндай тиімді әдістерді көбірек әрі жиі пайдаланса, сабақ беру барысында дұрыс дайындалса, мектептерде ағылшын тілін оқытудың нәтижесі көрінеді деп ойлаймын.