Ағылшын тілін оқытудағы жаңа әдістер сабақ жоспары

Информатика пәні бойынша 7-сынып оқушысының өзіндік жұмысының жоспары

I тоқсан

Сабақтың нөмірі: _________

Сабақтың тақырыбы: Компьютерлік желілер

Мақсаты (оқушыға бағытталған): компьютерлік желілерді топтастыру

Қысқаша тезисті конспект (мәтін, сызба, кесте және т.б. түрінде).

​Компьютерлік желі – коммуникациялық құрылғыларды (дисктер, файл, принтер)

тиімді пайдалану мақсатында бірыңғай деректерді алмасу арнасына біріккен компьютерлік желілер тобы.

Компьютерлік желілер:

Масштабы;

Компьютер жұмысын желіде ұйымдастыру;

Топология;

Ақпаратты тарату ортасы бойынша жіктеледі.

Компьютерлік желілер масштабы бойынша жергілікті, аймақтық, ауқымды болып бөлінеді.

Жергілікті желі – шектеулі аймақта (бір бөлмеде, мекемеде, зауыт т.с.с.) компьютерлерді біріктіреді. Жергілікті желі құрудағы мақсат – өндірістік процестерді автоматтандыру, керекті құжаттарды жедел өңдеу, ақпарат алмасуды жылдамдату болып табылады.

Аймақтық желілер – бұл аудан, қала немесе мемлекет ішіндегі біртектес мекемелер компьютерлерін біріктіретін жүйе.

Ауқымды желі – бір-бірінен үлкен арақашықтықта орналасқан жергілікті желілердің біруігуі.

Компьютер жұмысын желіде ұйымдастырудың түрлі әдістері бар, оның ішінде компьютерлік желілердің 2 негізгі типін қарастыруға болады: бір рангілік желі және серверге негізделген желі. Желіге тұрақты қосылмаған компьютерді клиент немесе абонент деп атайды.

Сервер – арнайы программалық жабдықтамасы бар қуатты компьютер.

Компьютерлік сервер – көптеген пайдаланушылар арасындағы қорларды орталық компьютер арқылы бір арнаға үйлестіру.

Жергілікті желідегі компьютерлердің бір-бірімен геометриялық байланысу тәсілін топология деп атайды. Байланысуына қарай желілерде «шина», «жұлдызша» және «сақина» түріндегі топологиялар жиі қолданылады.

Оқулық беттеріне, Интернет-ресурстарға сілтеме (видеоүзінді, құжат, мәтін және т.б. нақты сілтеме беру).

Атамұра (17-бет), opiq.kz

Оқушыларға арналған тапсырмалар (2-4 тапсырмадан артық емес).

Интернеттен желінің негізгі құрылғылары жайлы ақпараттық ізденіс жасаңдар. Жергілікті желілерді ұйымдастыру үшін керекті құрал-жабдықтар тізімін жасап, дәптерге жазыңдар.

Ескерту: Сабақтың ұзақтығы – 10-15 минуттан аспауы тиіс.