Ағылшын тілін үйренудің тиімді жолдары туралы мақала

Ағылшын тілін үйренудің тиімділігі және жолдары

Ағылшын тілі – халықаралық тіл. Сондықтан да қазіргі заман талабы халықаралық тілді меңгеру болып табылады. Осы орайда әрбір шетел тілі оқытушысының міндеті тыңдаушыларды шетел тілін үйренуге қызығушылығын арттыру , білімге құштарлығын ояту және танымдық белсенділігін жоғары дәрежеге жеткізу болып табылады.

Қазіргі таңда шетел тілін тиімді әрі оңай үйренуге мүмкіндік беретін әдіс тәсілдер көптеп қолданылуда , соның ішінде әлеуметтік желінің ықпалы білім алушылардың жан-жақты дамуына, тіл үйрену жолында жоғары көрсеткіштерге қол жеткізуіне , оңай әрі тез үйренуге септігін тигізуде.

Шетел тілін үйретудегі басты назарға алатын әрекеттер:

1.Тіл оқытуды жүйелі түрде жүргізу

2. Күнделікті жиі қолданылатын контексттерді қолдану.

3. Тапсырманы тыңдаушының қабілетіне қарай беру.

4. Шындыққа сай келетін оқу материалдарын қолдану.

Гете « Шетел тілін білмеген адам өз тілін де білмейді» деген. Әрбір адам шет тілін өз мақсатына қарай, қажеттілігіне байланысты үйренеді, мысалы болашақ жұмысына . шет елге саяхатқа шығуға немесе хоббиі болып табылады .

Ағылшын тілін үйренудің ең тиімді әрі қарапайым жолдарына келер болсақ,қысқа әрі қарапайым диалогтардан бастауға болады,күнделікті қысқа әңгімелерді оқи отырып, ауызекі тілді меңгеруге болады. Сондықтан түсінуге жеңіл, қарапайым ақпараттарды оқу қажет.Сөздердің айтылымына және ағылшын тілінде сөйлейтін адамдардың сөйлеу мәнерін бақылауға алу тілді үйрену барысында көптеген сөздер мен грамматиканы меңгеріп алуға мүмкіндік береді. Алайда болашақта түзеуге болмайтын бір нәрсені ескерген жөн. Бұл — сөздердің айтылымы. Тілді үйренген кезде бірден айтылымын назарға алатын болсақ, келешекте еш қиындық туындамайды. Себебі меңгерген сөздерді қайта түзетіп отырғаннан гөрі, оны бірден дұрыс жаттап алған тиімдірек.Сондықтан олардың диалогтарын көп тыңдап, дауысы мен интонациясын қайталауды қажет.Қазіргі уақытта шет тілін меңгеру үшін міндетті түрде шетел асудың қажеті жоқ. Өйткені интернет желісінде барлық мүмкіндік қарастырылған. Арнайы қосымшаларды пайдалану арқылы шетел тұрғындарымен видео немесе аудио байланыс орнатуға болады. Сондай-ақ фильмдерді субтитрмен қарай отырып, тыңдау қабілетін дамыта аламыз.