Ай дидарлы алтын күз тәрбие сағаты мектепалды топқа

Ай дидарлы алтын күз

Ертеңгіліктің мақсаты;оқушыларға күз туралы түсінік беру.Өлеңдерді мәнерлеп түсініп оқуға бейімдеу.Балаларды еңбекқорлыққа ,балаларды ән айтуға,жүріп билеуге,бірінен соң бірі тез іліп айтуға тәрбиелеу.

Әдісі ; ойын түрінде өтеді,ертегі сахналау

Кіріспе ( мұғалім): Күз айының басқа айларға қарағанда ерекшелігі өте көп.Күз деп отырғанымыз-біріншіден ,байлық,молшылық. Өйткені қаптаған астық,картоп,жеміс-жидек осының бәрі күзде пісіп жетіледі. Ал далаға қарасақ бәрі сап-сары, бұл-күздің белгісі.сондықтан халықтар бұны «Алтын күз» дейді.

Екіншіден ,мал да, аң да ,құс та осы айда семіреді.Күз қауырт жұмыс кезі.Қылышын сүйретіп келе жатқан қысқа дайындық жасалады.Күз айында еңбек етсең қыстан қысылмайсың.Күзде жыл құстары да жылы жаққа қайтады ,қыстан аман шығуын ойлайды. Күнде жел соғып жауын –шашын жиі болады.

Күн қысқарып,түн ұзарады

Кездескен соң күзге мен

Бұтағынан үзілген

Ай жапырақ сары алтын

Айналаның бәрі алтын! –деп,бүгінгі «Ай дидарлы алтын күз» атты ертеңгілігімізді бастаймыз.

Көкөністер мен жемістер айтысы.

Ж-ші:

Өнім биыл тамаша! Көз тоймайды қараса:

Сәбіз, картоп, қияр мен қып-қызыл піскен қызанақ,

Қырыққабатқа,алма,өрік алмұртқа қарашы!

Көкөністер мен жемістер жиыла қалып дауласты.

Көкөністер мен жемістер:

Жиналып қаппыз бәріміз,

Қайысымыз ең дәмдіміз?

Ішімізден адамға тиеді көп пайдамыз?

Сәбіз:Нұрасыл Е

Кім бар сәбіз шырынын

Жастайынан ішпеген?

Мені жеген адамдар

Кем болмайды күшке де!

Қияр:Нұржан

Дәмім тілді үйірген

Мен тұздалған күйімде!

Жаңа піскен кезімде

Жейді бәрі сүйсіне!

Қызанақ:Жанерке

Піскен кезде қызанақ;

Көз тартар қызыл түсімен.

Бар ма адам сүйсінбей

Томат шырын ішпеген?

Өрік: Әсет

Өрікпін мен, өрікпін

Табиғатқа көрікпін.

Пияз:Айсара

Боламын мен дәмдеуіш,

Барлық-барлық тағамға.

Көкөністер ішінен

Мен пайдалы адамға.

Шие:Айзере

Шиемін мен, шиемін

Піскенше тон киемін.

Бала келсе қасыма,

Басымды мен иемін.

Картоп:Нұрасыл Ш

Мен ұялшақ картоппын

Мен емеспін мақтанар

Мені жақсы көреді

Үлкендермен балалар!

Алмұрт:Ұлжан

Мен алмұртпын,алмұртпын,

Аузындамын бар жұрттың

Жүзім:Еңлік

Мен жүзіммін,жүзіммін,

Моншақ болып тізілдім.

Алма:Нұрай

Мен алмамын,алмамын,

Таңдай жұлар бар дәмім.

Көкөністер мен жемістер:

Жиналып қаппыз бәріміз,

Қайысымыз ең дәмдіміз?

Ішімізден адамға тиеді көп пайдамыз?

Ж-ші: Көкөністер бәрі де,

Денсаулыққа пайдалы