Әй, жарайсыңдар тақырыбындағы сынып сағаты

«Әй,жарайсыңдар!» зияткерлік сайысы

Мақсаты: Оқушылардың жан-жақты білімдерін тексеру, логикалық ойлау, есте сақтау қабілеттерін шыңдау. Өз ойын жеткізе білуге тәрбиелеу.

1. Ауызекі сөйлеу тілін қалыптастыру арқылы оқушылардың білім деңгейін анықтау;

2. Пән бойынша алған білімдерін жүйелі түрде қолдана білуге дағдыландыру;

3. Оқушылардың пәнге деген қызығушылықтарын ояту, әдеби тілде көркем сөйлеуге тәрбиелеу

Көрнекілігі: нақыл сөздер, тапсырмалар, логикалық тапсырмалар, әр топқа даярлаған үстел, интерактивті тақта,бағалау парағы, түрлі-түстің қағаздар, қайшы, желім

Түрі: Топтық сайыс

Қатысушылар: 1 «Ә» сыныбының оқушылары.

Барысы: 1.Мұғалімнің кіріспе сөзі: Армысыздар құрметті ұстаздар, оқушылар. Қазақ халқы “ақыл – жастан, асыл - тастан” деп бекер айтпаған, олай болса ұшқыр қиял мен ойлылықты қажет етер, “Әй, жарайсыңдар! ” зияткерлік сайысына қош келдіңіздер!Еліміздің болашағы тек қана білімді жастар екені даусыз. Осы мақсатпен 1 - ші сынып оқушыларының арасында «Әй, жарасыңдар!» атты интеллектуалды ойынын өткізгелі отырмыз.Ал келіңдер, келіңдер,

Біріңе - бірің еріңдер.Біліміңді тексеріп,Ойынға қатысып көріңдер,

Көңілді тапқыштар, алғырлар,Бар өнерін алдарыңа салады.Кім білімді, көп оқыған болса егер,Бүгінгі күн жеңімпазы болады

- дей отырып, « Әй, жарайсыңдар!» атты сыныптан тыс зияткерлік

сайысымызды бастаймыз.

Шын жүйрік шабысынан танылады, Нақты білім, терең ой сыналады. Баға берер әділқазы ортамызда, Оларға құрметпен қол соғылады деп, сайыскерлерімізді бағалайтын, шындықты жарып айтатын әділқазылар алқасымен таныс болыңдар.

Утеулина Нұргүл Жұмаділқызы – мектеп директоры

Тлебаева Күлаш Алдабергенқызы – оқу ісінің меңгерушісі

Тургунбаева Айнагүл Жамболатқызы-ағылшын пәні мұғалімі

Енді сайыскерлерімізді ортаға шақырайық.

«Алғырлар» тобы, «Тапқырлар» тобы, «Зеректер тобы» Үш топқа сәттілік тілеймін.

Сайысымызды бастамас бұрын екі топ мына екі шарды алып оның ішіндегі санды көрсетсе екен. Сол сандар арқылы қай топ бірінші бастайтынын анықтаймыз.

Енді бөлімдермен таныстырып өтейін:

1.Қас қағым сәтте

2.Жүйрік болсаң,озып көр.

3.Ұшқыр қиял

4. Ойлы болсаң,озып көр

5. Зеректер сайысы

6.Қорытынды

1.Сәлем-сөздің атасы

Өнер қуып сайыскерлер өтер деймін,Бір басына өнері жетер деймін,Бәске түскен сайыскерлер кезектесіп.Таныстырып өздерін өтсе деймін, -дей келе кезекті таныстыруға берсек.

1топ «Алғырлар»

Ұраны: Жарыс десе жанамыз

Бүгінгі күн жарыста алғырлықпен аламыз.

Сәлемдесуі: Қиындықтан сірәда біз қашпаймыз

Алғырлық пен тапқырлықты ұштаймыз

Қияларға самғап ұшқан құстаймыз

Шегінбейміз жеңістерге бастаймыз

2топ. «Тапқырлар»

Ұраны:Білікті бірді жығады

Білімді мыңды жығады

Сәлемдесуі:Біз дайынбыз бұл сайысқа достарым

Көрсетеміз бізде қандай күш барын

Алға қойған мақсатымыз бір екен

Сәтті болсын сапарымыз әрдайым.

Бұл кезеңде әділқазылар 1 мен 3 аралығында ұпай қояды.