Айналайын анашым атты ертеңгілік сценарийі

Тәрбиеші: Қош келдіңіздер аяулы аналар, ақ жаулықты әжелер, сүйікті қыздар, әріптестер! Көктемнің шуақты күндерімен қатар келген 8 наурыз мерекесі құтты болсын!

Музыка әуенімен қуыршақ шығады.

Қуыршақ: Сәлеметсіңдерме балалар мерекелерің құтты болсын!

Тәрбиеші: Амансыңба Қуыршақ? Сеніңде мерекең құтты болсын! Бізбен бірге бүгінгі мерекені тамашала. Балалар мен сендерге құр қол келмедім сендерге мына әдемі шарларды сыйлыққа ала келдім. Олардың әр қайсысының атқаратын қызметі бар. Оны қазір көресіңдер.

Сары шарды қолымызға аламыз аналарды құттықтауды бастаймыз.

Қәне кім аналар жайлы тақпақтар біледі?

Тақпақтар:

Заңғар:

Бізді өсіріп баптаған,

Жақсы болса шаттанған.

Алтыным деп мақтанған,

Айналайын ақ мамам.

Айзере:

Әр сөзімді жаттаған,

Жүрегінде сақтаған,

Анашым деп мақтанам,

Айналайын ақмамам.

Ермахан:

Қуанышы ананың,

Қуанышы баланың

Құтты болсын апатай

Құтты болсын мереке.

Нұрали:

Аналарды сүйеміз,

Сөзін ойға түйеміз,

Әжелерді ардақтап,

Ақылын ойға түйеміз!

Ән: « Мама»

Қуыршақ: Жарайсыңдар балалар! Ал, енді келесі шарды алып көрейікші?

Қызыл шарды қолымызға аламыз, аналарға биімізді арнаймыз!

Би: «Қуыршақ»

Қуыршақ: Рақмет балалар! Билеріңде өте керемет аналарыңды қалай жақсы көретіндерің көрініп тұр. Ал, енді балалар ақ шарды біз қолымызға алайық, ақ жаулықты әжелерге құттықтауды арнайық.

Ескендір:

Апатайым анашым,

Ақылы мол данасың.

Қамқоры сен сәбидің.

Гүлі де сен әр үйдің.

Аида:

Мен үшін асыл,

Тек өзің әжем.

Бақшадан келсем.

Қарсы алады әжем,

Арсен:

Менің әжем әлі де,

Ұқсамайды кәріге,

Шай қайнатып береді,

Біздің үйдің бәріне.

Ән: «Мамамыздың анасы»

Қуыршақ: Жарайсыңдар балалар! Өнерлі екенсіңдер,келесі көк шарды алайық, «Шоқ» қыздар биін билейік.

Би: «Шоқ қыздар»

Ойын: «Кір жуу»

Қуыршақ: Балалар бізде әлі соңғы жасыл шарымыз қалған екен. Қәне оның да сырын ашып көрейікші. Жасыл шарда талай талай сырлар бар. Жұмбақ шешкіш аналарда бізде бар.

Жұмбақ:

Қуыршақ қоштасып шығып кетеді.

Тәрбиеші: Құрметті аналар тағы да мерекелеріңіз құтты болсын! Жүздеріңізге шаттық, көңілдеріңізге қуаныш тілеймін! Балабақша меңгерушісінің құттықтау сөзімен ертеңгілік аяқталады, Аналар құттықтау сөзі!!!