Айналайын, ақ мамам ертеңгілігі мектепке дейінгі балаларға

«Ақшағала балабақшасы» МКҚК

Ертеңгілік

«Айналайын, Ақ мамам!»

«Айгөлек» II кіші тобы

Тәрбиеші:Сәбенова.Б.

Наурыз айы – 2018 жыл

Залдың іші мерекеге сай әдемі безендірілген. Саз ырғағымен

Екі- екіден қол ұстасып бір ұл, бір қыз бала келіп, орындарына отырады.

Жүргізуші:

Ақ тілекті ағытып бір тастайық

Аналардың мерекесін біз бастайық

Көздерінен көрем шаттық арайын.

Өтсін солай әрбір күнің, әр айың,

Армысыздар, құрметті қонақтар. Аналар әжелер, сүйкімді қыздар!

Көктемнің алғашқы 8-наурыз мерекесі құтты болсын! Сіздерге шаттық, қуаныш тілей отырып «Айгөлек» II-кіші тобының дайындаған «Айналайын, Ақ мамам!» атты ертеңгігімізді тамашалаңыздар

Сізден өскен балалар,

Батырлар мен даналар.

Құттықтаймыз мейраммен

Құрметті әже, аналар.

Жүргізуші: Балалар бізде кәзір қандай мезгіл?

Балалардың жауабы: Көктем мезгілі.

Жүргізуші: Балалар көктем мезгілінде неше ай бар?

Балалардың жауабы: Үш ай бар.

Жүргізуші: Дұрыс айтасыңдар, балалар.

Жүргізуші: Балалар көктем мезгілінде қандай мерекелер бар? Сіздерге ең жақын адам кім балалар?

Балалар: Аналар

Жүргізуші: Ия дұрыс айтасыңдар балалар. Бүгін бізде аналар мерекесі.

Би: Ендегі кезекті мың бұралған қыздарымыздың аналарына арнаған биін тамашалайық.

Жүргізуші: Балалар, біздің мерекемізге қонақ келе жатқан сияқты.(Осы сәтте Көктем билеп келеді).

Көктем:

Мен Көктеммін, Көктеммін

Былтыр келіп кеткенмін

Жайнататын бар гүлді

Сайрататын бұлбұлды

Тілеп жылға оң қадам

Ән арнайды ел маған

Тіршіліктің бастауы

Көктем айы мен болам

Жүргізуші: Қош келдің көктем біздің балаларымыздың аналарына арнаған тақпақтары бар соны бірге тамашалайық.

Аят: Әр сөзімді жаттаған,

Жүрегімде сақтаған.

Анашым деп мақтанам,

Айналайын,Ақ мамам.

Құндыз: Ақ қабақты анашым,

Күн сәулелі анашым.

Әлпештеген баласын,

Айналайын анашым.

Ырысжан: Мені жақсы көреді,

Күндей күліп жүреді.

Көп ертегі біледі,

Маған айтып береді.

Айназым: Ана біздің күніміз,

Ана біздің гүліміз.

Ұландарды қуантып,

Ұзақ өмір сүріңіз.

Елдос: Анашым, анам,

Ыстықсың маған.

Тәрбие бердің маған,

Көп алғыс саған.

Жүргізуші: Жарайсыңдар балалар.

Жүргізуші: Өте жақсы. Аналарымыз бен әжелеріміздің құрметіне арналған балалардың

«Анашым анажаным» әніне берейік

Жүргізуші: ендігі кезекті тақпақтарына берейік.

Д.Кәусар: Менің әжем мейірбан,

Мені жақсы көреді.

Қажетіне жарасам,

Жас балаша күледі.