Әке отбасының тірегі психологиялық тренинг материалы

№36 мектеп-гимназия

«Әке-отбасының тірегі, бақыттың алтын бағы»

(семинар-тренинг)

Мақсаты: Бала тәрбиесінде әкенің алатын орнының ерекше екенін түсіндіру; баламен жақсы қарым-қатынас орнату, бала тәрбиесіне көп көңіл бөлудің маңыздылығын ашу.

Көрнекілігі: слайд, А-4, ватман,түрлі түсті бояулар, шаңырақ

Жүрісі: Сәлеметсіздер ме, құрметті әкелер!

Әр отбасы-жеке мемлекет. Бұл кішкентай мемлекеттің іргетасын қалаушы, оны басқарушы, отағасы-әке. Отбасының рухани, материалдық жағынан құлдырамай, мықты болуы әкеге байланысты.

Әке өсиеті мен тәлім-тәрбиесінің маңызы ерекше. Қанша дегенмен, жүрегі жұмсақ аналарымыз кейде тым еркелетіп жібергенде, әкенің салмақты сөзі ауадай қажет болып жатады.

Бүгінгі ұл-ертеңгі - әке, ол әкеге қарап өседі. Бүгінгі қыз – ол ертеңгі ана, ол шешесіне қарап өседі, бой түзейді. Балаға білім, тәрбие берудегі басты тұлға ұстаз болса, оны жалғастырушы , демеуші ата-ана. Олай болса, бүгінгі мектебіміздің әкелеріне арналған «Әке-отбасының тірегі, бақыттың алтын бағы» тақырыбындағы тренингке қош келдіңіздер.

-Әкенің отбасындағы рөлі туралы ой бөлісу мақсатында ортаға тренингке 10-15 ата-ана шақырамын. (шарлар арқылы ата-аналарды ортаға шақырып, топқа бөлу)

1. Есімдер аллитерациясы.

Мақсаты:Ата-аналарды бір-бірімен таныстыру.

Психологтың сөзі:

Әр халықтың бала тәрбиесіндегі өзіндік ерекшеліктері арқылы мәдени құндылықтары қалыптасады. Көпшілік бала тәрбиесін анаға жүктеп қояды. Алайда, бала тәрбиесінде ананың да, әкенің де ролі маңызды. Олардың әрқайсысының өз жауапкершіліктері бар. Әсіресе, ер бала тәрбиесі тікелей әкеге байланысты. Әке – ұлы үшін үлгі тұтар адам, өмірлік ұстаз. Қыз анаға қарап өссе, ұл баланың әкеге қарап өсетіні түсінікті. Сондықтан кейбір әкелердің «Баламды материалдық жағынан қамтамасыз етсем болды, тәрбиесі шешесінің мойнында» деуі – үлкен қателік. Қазіргі таңда осындай қателіктердің салдарынан ұл баланың бойында ер мінезділік жетіспей жатады. Ендеше, әр әке ұлының бойына қандай қасиеттерді дарыта білуі керек? Сіздің ойыңыз қандай? (әкелердің пікірін тыңдау)

Қорытындылау (видеоролик көрсету)

2. Жаттығу. Шығармашылық жұмыс

І топ тапсырмасы

«Отбасылық құндылық ағашы»Нұсқау: Үлкен ағаштың суреті беріледі. Бұл сіздің отбасылық құндылық ағашыңыз. Бірнеше берілген отбасылық құндылықтарды ағаштың тамырына, діңіне, бұтақтарына орналастыру. Тамыры сіздің ең негізгі отбасылық құндылық болып есептеледі, ағаштың діңіне орташа құндылықтарды, ал, бұтақтарына отбасыңызға маңызды бірақ, қатты қолданбайтын, көп көңіл аудармайтын құндылықтарды орналастыру керек. Берілген уақыт 5 минут.1. Мықты денсаулық2. Ағайындарыңа, достарыңа ашық есік3. Ауызбіршілік4. Ортақ қызығушылық5. Бір – біріңіздің жұмысына араласпау6. Қамқорлық7. Тәртіп8. Бос уақытыңызды бірге өткізу9. Сенімділік10. Ата – ананың сөзі заң11. Ата – ана отбасының үлгісі12. Әлеуметтік жағдай13. Отбасылық қарым – қатынас14. Махаббат15. Мейірімділік16. Шынайылық17. Сырт көзге үлгі болу18. Береке19. Үлкенге – ізет, кішіге – құрмет20. Көп балаСоңында үлкен бәйтерек ағашы шығу керек. Шыққан суретті қорғап шығамыз.

ІІ топ тапсырмасы

Ащы пияз» қазіргі заман аңызы.

Өз балаларыма көңіл бөлуге әрдайым менде уақыт болмайтын. Жұмыс, қызмет бабында өрлеу, жеке бас өмірім. Бірақ, менің балаларым ештеңеден тарықпай өмір сүріп жатты, менің олардың тәттілік…