Әкеге тағзым тақырыбындағы тәрбие сценарийі

"Әкеге тағзым күні"

Мақсаты: Отбасындағы әкенің, ер азаматтың орнының мәнін ұғындыру, әке тәрбиесі туралы оқушыларға ой салу. Кешке қатысушы әкелердің өнерлерін тамашалауарқылы бала мен әке арасындағы тығыз, әрі ыстық байланысты ұғындыру.

Отбасының ұйтқысы, негізгі тірегі әке екенін ұғындыру, әкеге деген сүйіспеншілікке тәрбиелеу.

Ж: - Армысыздар, ардақты азаматтар,

Отбасының тірегі, елді бастар!

- Құрметті бүгінгі кешке жиналған ата-аналар, ұстаздар, оқушылар!

Кеңқияқ орта мектебінде өтіп жатқан "Әкеге тағзым күніне " арналған кешімізге қош келдіңіздер!

Ән: "Әке арманы"

Ж: Бүгінгі кешке қонақ болып келіп отырған әкелерімізді қошеметпен қарсы алайық.

Музыка ойнап тұрады.

Ж: Сейітов Айжарық ағай

Өсербаев Азамат ағай

Айжигитов Әділхан ағай

Серғазин Азамат ағай

Қалиев Нұрболат ағай

Ж: Осы кешке келіп қатысып отырғандарыңызға алғыс айта отырып, осы әкелерден өздерін таныстырып кетулеріңізді сұраймын.

Кеш қонақтарына көрермендер сұрақтар қояды.

Ж: Әр шаңырақта әкенің орны ерекше. Әке шаңырақтың тірегі. Әке - отбасының асыраушысы, отбасы мүшелерінің тірегі, қамқоршысы. Әкенің мінез-құлқы, өзгелермен қарым-қатынасы, өнері мен білімі - баланың көз алдындағы үлгі, оған қарап өсетін нысанасы. Отбасының пейіл - береке, ынтымағы үшін отағасының әділ, ұстамды болуы орасан маңызға ие. Оның тәрбиелік рөлі де зор.

Ж: Ендігі кезекте Бүгінгі кешке қатысып отырған әкелердің өнерлеріне кезек берейік.

Алғашқы болып ортаға кешке қатысып отырған қонақтардың үлкені, ағаш шебері, сазгер Айжарық ағаны шақырайық. Аға өзінің үлкен ұлы және немерелерімен өнер көрсетеді.

Айжарық ағаның отбасылық ансамблімен қарсы аламыз

Ұлт аспаптар ансамблі: күй: ""

Ж: Айналайын жан әке, жасыл бағым!

Тілеймін өзіңізге Жамбыл жасын.

Бақ-дәулет, береке, ырыс болып

Бақытыңыз әрдайым сарқылмасын!

Мектебіміздің түлегі, әнші , домбырашы шәкіртіміз Айжигитов Әлішерді әкесі Әділхан ағамен қарсы алайық.

Ән: "Еламан"

Тағдырдың кеуде тосып жартасына,

Біз үшін түскен майдан ортасына.

Алаңсыз сауық сайран құрып жүрміз,

Біз бүгін әкелердің арқасында - дей келе "Әке тілегі" әнімен мектебіміздің әншісі Назаралиева Айсәулені әкесі Серғазин Азаматпен ортаға шақырайық.

Ән: "Әке тілегі"