Әкем, шешем және мен отбасылық сайыс сценарийі

«Әкем,шешем және мен» отбасылық спорттық сайыс

Мақсаты:Балалардың дене бітімі дұрыс жетілуі үшін және спорттық дене шынықтырудың маңызын түсіндіру,ата-анамен тығыз байланысты қызығушылықты арттыру,салауатты өмір салтын қалыптастыру арқылы ептілікке,жылдамдыққа тәрбиелеу.

Көрнекілігі:доп,құрсау,кедергілер,секіргіш ,қап

1)Ұйымдастыру

2)Командамен таныстыру

3)Сайыстың шарттары

4)Әділ қазы алқасын тағайындау

5)Сайысты қорытындылау

Құрметті қонақтар,ата-аналар ,балабақша ұжымы бүгін біз ата-аналар арасында ұйымдастырылып отырған «Әкем,шешем және мен» атты отбасылық сайысымызға қош келдіңіздер!

Келіңіздер көріңіздер

Тек ынта бөліңіздер

Мықты болып шынығып

Жеңіске жетіңіздер!

Ендеше бүгінгі сайысымызға қатысатын топтарды ортаға шақырамыз.

І «Қыран» тобы отбасы

ІІ «Тұлпар» тобы отбасы

ІІІ «Барыс» тобы отбасы

Ал, құрметті халайық!

Жарысты енді көріңдер

Әділқазы алқасы ,

Әділ баға беріңдер!

Бұл отбасыларға сәттілік тілей отырып,әділ қазылар алқасымен таныстырайық.

Балабақшамыздың әдіскері: Умирбаева А.С

Балабақшамыздың психологы:Қортабаева Н.Ж

Балабақшамыздың медбикесі: Чуренбаева К.А

-Бүгінгі спорттық сайысымыз 6 бөлімнен тұрады.

1-тур: «Менің отбасым» Таныстыру

2-тур: «Секірмек»

3-тур: «Сурет салу»

4-тур: «Қаппен секіру»

5-тур: «Құрсаудағы доп»

6-тур «Арқан тартыс»

Әр кезеңнен кейін әділқазылар өз бағаларын береді.

Құрметті сайыскерлер,сіздерге сәт-сапар!

Сайысқа қатысушыларға көтеріңкі көңіл-күй,батылық,жеңіс тілей отырып,сайысымызды бастаймыз.

1. «Менің отбасым» Таныстыру

Өнер қуып отбасы өтер дейміз,

Бір басына өнері жетер дейміз.

Сайысқа келген топтар кезектесіп,

Таныстырып өздерін өтер дейміз.

Әр отбасы өз тобының атын,ұранын айтып өту.

2. «Секірмек»

Бұл бөлімде отбасы үлкендері секіргіш доптың үстіне отырып секіріп, кедергілер арасымен секіріп айналып келу керек.Ал баласы кедергілерді айналып, жүгіріп келу керек.

3. «Сурет салу»

Екі аяқтың арасымен допты қысып алып, кедергілерді аралап құлатпай, мәреге жетуі тиіс. Мәреге жеткен соң үйдің суретін салу тиіс. Ал баласы кедергілер арасымен жүгіріп барып келу керек.Мысалы: бірі үйдің төбесін, бірі терезесін т. б.Бұл ойынымыз қызықты, көңілді өтті.- Ал, енді біздің сайыскерлеріміз үйді қалай салады екен, бұған қазылар алқасы қандай баға берер екен?

4. «Қаппен секіру»

Ойынның шарты:Кедергілер арасынан қаппен секіріп барып себеттегі допты шелекке түсіру керек.Келесі ойыншыға қапты беру.Ойын осылай жалғасын табады.

5. «Құрсаудағы доп»