Әл-Фараби атындағы Қазақ ұлттық университетіне 85 жыл

Қазақстандағы алдыңғы қатарлы университеттердің бірі – Әл-Фараби атындағы Қазақ Ұлттық Университеті. Осыдан 85 жыл бұрын негізі қаланған университет, бүгінгі күнде еліміздегі ең жоғарғы оқу орындарының бас рейтингісінде 1-ші орынға ие болды.

1933 жылғы 20 қазанда Қазақ мемлекеттік университетінің іргетасы қаланып, 1934 жылы 15 қаңтарда ресми ашылуы болды. Қазақ мемлекеттік университетінің 1934 жылғы 19 қаңтардағы алғашқы ректоры болып Федот Трофимович Оликов тағайындалды.

Қазақстандағы білім беру жүйесінің тірегі, ескінің көзін көрген, 85 жылға жуық бай тарихы жинақталған ұлттық университетте еліміздің түкпір түкпірінен, алыс — жақын шет елдерден келіп, оқып жатқан студенттер жетерлік. Университетте студенттерді гуманитарлы, жаратылыстану және техникалық мамандықтар бойынша дайындайды. Қазіргі таңда білім ордамызда 2000-нан астам профессорлар, докторлар, ғылым кандидаттары мен философия докторлары, 15 факультет, 98 кафедра, 20 ғылыми- зерттеу институттары және Технопарк қызмет атқарады.

ҚазҰУ – дарындылар мекені. Университет білім алушы тұлғаның жан-жақты дамуына, өзін-өзі кемелдендіруіне қажетті жағдай жасау үшін бар күш-жігерін салып, студенттік өзін-өзі басқаруға, көшбасшылық қасиеттерді тәрбиелеуге мол мүмкіндіктер тудыруда.

Университет бүгінде жан-жақты даму процесін басынан өткізіп жатыр. Олай дейтін себебіміз, қазір бұл университетте өзгерістер орын алып, жаңа құрылыс нысандары пайда болуда. Әрине, ол студенттердің игілігіне қызмет етуге бағытталған. Ондағы білім процесінде де бірқатар өзгерістер орын алуда.

Университет студенттерінің өмірі қызықтылығымен әрі алуандығымен ерекшеленеді. Ол тек дәрістер мен семинарларға қатысумен ғана шектелмейді. Олар шалқыған шығармашылық қуат пен жастық жалынды, балғын талантты шыңдайтын театр студиялары мен поэтикалық клубтарға, көңілді және тапқырлар сайысына белсене қатысады. ҚазҰУ қалашығының барлық аймағы Wi-Fi сымсыз желісімен қамтылатын болады. Оның кез келген нүктесінде әр студент университет бірлестігінің желісінде жұмыс істеумен қоса, Интернетке тегін қосылу мүмкіндігіне ие болады. Сонымен қатар тәулік бойы істейтін 300 орындық жаңа Интернет-кафе жұмыс істейді.

ҚазҰУ 400-ден астам шетелдік университеттермен ынтымақтастық туралы келісім жасаған.. Бір ғылыми жетекші Қазақстаннан болса, екіншісі – шетел ЖОО-дағы белгілі ғалым. Осының бәрі де ҚазҰУ студенттері халықаралық деңгейде оқып, зерттеулер жүргізуге лайықты жол ашады.

Ғылыми жетекшісі