Әл-Фараби атындағы университеттің ғылыми зерттеулері

Әл-Фараби атындағы Қазақ ұлттық университетінің ғылыми зерттеулері

Әл-Фараби атындағы Қазақ ұлттық университеті өзінің ауқымды ғылыми зерттеулерімен ерекшеленеді. Университет жастарға үлкен ғылыми мүмкіндіктер ашады. Білім беру орталығында студенттердің ғылыми білім деңгейін арттыруға бағытталған көптеген ғылыми жобалар мен іс-шаралар ұйымдастырылады.

Университетте арнайы мамандар мен ғылыми қызметкерлер студенттерге, магистранттар мен докторанттарға ғылыми көмек көрсетуге, жаңа жобаларды басқаруға әрқашан дайын.

Университет қабырғасында түрлі салада көптеген ғылыми жобалар ұйымдастырылатыны белгілі.

Солардың ішінде әл-Фараби іліміндегі тіл философиясын зерттеу жобасын ерекше атап өту керек. Ғылымның бірнеше саласын жетік меңгерген энциклопедист Әбу Насыр әл-Фарабидің тіл философиясы әлемдік зерттеулерге жол ашқан ұлы мұра. Ойшыл әл-Фараби философия мен исламның байланысын алғаш ашқан ғалымдардың бірі болып саналады. Сондықтан ислам философиясын түсіндіру немесе түсіну үшін әл-Фарабидің философиялық сөздіктеріне жүгіну міндетті болып табылады. Бұл әл-Фарабидің көптеген философиялық терминдерді араб тіліне аударып, арабша философиялық сөздік жасауымен түсіндіріледі.

Әл-Фараби мұрасын зерттеп, ғылыми тұрғыдан тануда әл-Фараби университетінің алатын орны зор екені белгілі. Әл-Фараби атындағы Қазақ ұлттық университетінің мамандары ойшылдың араб тілінде жазылған төл туындыларын ана тілімізге аударды.

Әр салада үлкен істер атқарып, шексіз мүмкіндіктерге жол ашатын мамандардың қалыптасуына бұл оқу орнының ықпалы зор.

Әл-Фараби атындағы Қазақ ұлттық университеті, Философия және саясаттану факультеті, Дінтану және мәдениеттану кафедрасы, «Исламтану» мамандығының

1-курс магистранты: Жанысбаев Р.М.

Ғылыми жетекшісі: Аманқұл Т.О.

https://kaznu.kz

https://farabi.university/