Әл-Фараби университеті туралы танымдық материал

ӘЛ – ФАРАБИ УНИВЕРСИТЕТІ БІЛІМ МЕКЕНІ

Әл-Фараби атындағы Қазақ Ұлттық Университеті – адамгершіліктің мың жылдық дәні егілген, жастық шақтың мәңгілік мекені, білімге сусындаған бақытты кезеңіміздің самал лебі есіп тұрған ең керемет мекен.

Сыртқы көрінісі көздің жауын аларлықтай көрекем, ал білім деңгейін ауыз толтырып айтарлықтай дәрежеде.

Университет жоғары білікті мамандарды даярлауға, әлемдік білім беру кеңістігіне кірігуге, іргелі және қолданбалы зерттеулерді дамытуға, оларды өндіріске енгізуге бағытталған білім беру, ғылыми, рухани-тәрбиелік, инновациялық және өндірістік әлеуетке ие.

Университетте 16 факультет, 32 ғылыми-зерттеу институттары мен орталықтар, технопарк және әскери кафедра жұмыс істейді. Университетте 2 мыңнан астам профессорлар, докторлар, ғылым кандидаттары мен философия докторлары, 100 аса ірі академиялардың академиктері, 40-тан астам Қазақстан Республикасының еңбек сіңірген қайраткерлері, 40-қа жуық мемлекеттік және атаулы сыйлықтың лауреаты және 40-қа жуық жас ғалымдар сыйлықтарының лауреаты жұмыс істейді. Әл-Фараби атындағы ҚазҰУ-да жоғары кәсіби білім берудің көп деңгейлі жүйесі бойынша 25 мыңнан астам студенттер мен магистранттар білім алуда. Менің университетім әлемнің 418 ірі халықаралық жоғары оқу орындарымен бірлескен халықаралық оқу бағдарламаларын жүзеге асыру, студенттер алмасу және тағылымдамалар өткізу бойынша ынтымақтасады.

Халықаралық рейтинг агенттігінің зерттеу қорытындысы бойынша QS World University Rankings ҚазҰУ 2018 оқу жылы әлемнің 800 үздік университеттерінің арасында 220 орын алды. QS University Rankings рейтингісінде Шығыс Еуропа мен Орталық Азия елдері бойынша ҚазҰУ 200-ден 11-ші орынды иеленді. ҚазҰУ-дың екі рейтингісінде Қазақстанның барлық жоғарғы оқу орындарының арасында ең жоғары баға алды.

Үздіксіз білім беру жүйесі: бейіндік мектеп, колледж, бакалавриат, магистратура, PhD докторантура – сәттілікке бастар жол! Мұның барлығы басқа жанға асыра мақтау болуы мүмкін, бірақ, ҚазҰУ - мүмкіндіктерге толы инновациялық мекен екендігін мойындауымыз керек. Бұл жетістіктер ҚазҰУ еңбек ұжымының, ұстаздардың қажырлы еңбегі мен университет басшылығының жұмысты парасатты да сапалы ұйымдастыру білуінің арқасы екендігінде сөз жоқ.

Құрылғанына 90 жыл толған оқу орны өз тарихында көптеген жетістіктерге жетіп, әлемдік аренаға өз орнын көрсете алды.Университет ұжымы көпұлтты Қазақстанның экономикалық және мәдени өсуіне, саяси- құқықтық өміріне, мәдениетіне,…