Әлеуметтік педагогтың отбасымен жұмыс жүргізуі туралы баяндама

Әлеуметтік педагогтың отбасымен жұмысы. Жасөспірімдердің бақылаусыздығы мен қараусыз қалуы- мектеп және әлеуметтік педагогтың өзекті проблемаларының бірі болып табылады. Аталған жағдайдың себебінің бірі ата-ана мен балалар арасындағы қарым-қатынасқа байланысты. Отбасы мен мектептің арасындағы ынтымақтастық бұл ортақ мақсатқа негізделген және ұзақ жұмыстың нәтижесі болып табылады. Бұл жұмыс ең алдымен отбасын жүйелі, әрі жан-жақты зерттеуден, отбасы тәрбиесінің ерекшеліктері мен жағдайын ескеруден басталады. Бүгінгі таңда отбасылық құрылымының өзгеруі төмендегі мәселелерге байланысты:

-Отбасындағы балалардың аз болуы; -жас отбасылардың көбіне ата-аналарынан бөлек тұруы; -халықтық педагогика дәстүрін жоғалтып алу; -отбасының әлеуметтік –экономикалық қиыншылықтары; -ата-ананың балаға қарауына уақытының жетпеуі; Бұл өз кезегінде баланың проблемаларымен жалғыз қалуына әкеліп соғады. Бұл проблемаларды шешу жолының бірі ретінде жасөспірім құқық бұзушылық пен қаңғырушылықты таңдауы мүмкін.

-Қолайлы сәтті отбасы; -проблемалық отбасы; -қолайсыз отбасы; Отбасылардың түріне қарай мектеп ұжымына оқушы мен оның отбасымен жұмыс жүргізгенде түрліше әдіс- тәсілдерді қолдануға тура келеді. Проблемалық отбасыдан шыққан балаларды екі топқа бөлуге болады:

-Баланы өз отбасының теріс ықпалынан қорғау керек. (бейморалды, қылмысты отбасы) - Бақылаусыз және қараусыз қалған балалар, мұнда кеірісінше ол балалардың отбасы мен мектепке деген үзіліп қалған байланысын қалпына келтіру керек.